September 19, 2022 
தண்டோரா குழு
வலிப்பு வந்த போது கையில் கொடுக்கப்பட்ட கம்பி கழுத்தில் குத்திய நிலையில் கடந்த 22.08.2022 அன்று 28 – வயது மதிக்கத்தக்க இளம்பெண் ஒருவர் கழுத்தின் முன் பகுதியில் இரும்பிலான கம்பி ஒன்று குத்திய நிலையில் கை , கால்களின் இயக்கம் பாதிக்கப்பட்ட நிலையில் கோவை அரசு மருத்துவமனையில் அவசர சிகிச்சைப் பிரிவில் அனுமதிக்கப்பட்டார்.
அவரை பரிசோதனை செய்த பார்த்ததில் கழுத்தின் வலது பக்கம் பாய்ந்த கம்பியானது ழூச்சுக்குழாய் , உணவுக்குழாய் மற்றும் இரத்தநாளங்களின் மிக அருகில் பாய்ந்து தண்டுவட எலும்பினை துளைத்து தண்டுவடத்தில் குத்தியிருப்பது தெரியவந்தது.
மருத்துவமனை முதல்வர் நிர்மலா ஆலோசனைப்படி நரம்பியல் அறுவை சிகிச்சை , இதய அறுவை சிகிச்சை மற்றும் மயக்க மருந்து நிபுணர்கள் அறுவை சிகிச்சை செய்து கழுத்தில் பாய்ந்த கம்பியை நோயாளிக்கு எந்தவித பாதிப்புமின்றி அகற்றினர்.
அறுவை சிகிச்சைக்குப் பின்னர் நோயாளி கை , கால்கள் இயக்கம் சீறடைந்து இன்று வீடு திரும்பினார். இந்த சிக்கலான அறவை சிகிச்சையை வெற்றிகரமாக செய்த மருத்துவக் குழுவினரை மருத்துவமனை முதல்வர் வெகுவாக பாராட்டினார்.
For English News
