September 28, 2024 
தண்டோரா குழு
கோவை கொடிசியாயில் இரண்டு நாட்கள் நடைபெறும் சர்வதேச கட்டுமான கண்காட்சியை காவேரி நிறுவனத்தின் JMD வினோத் சிங் ரத்தோர் துவக்கி வைத்தார்.
கோவை மண்டலம் கட்டிட பொறியாளர் சங்கமும் மற்றும் கட்டுமானம் மனை தொழில் கூட்டமைப்பு சார்பாக நடைபெறுகின்ற சர்வதேச கட்டுமான கண்காட்சியை காவேரி குரூப் ஆப் கம்பெனி நிறுவனத்தின் இணை நிர்வாக இயக்குனர் வினோத் சிங் ரத்தோர்,லட்சுமி செராமிக்ஸ் நிறுவனத்தின் தலைவர் முத்துராமன், ராமு இண்டஸ்ட்ரீஸ் ராமு ஆகியோர் கண்காட்சியை ரிப்பன் வெட்டி திறந்து வைத்தனர். சிறப்பு விருந்தினராக கோயம்புத்தூர் மாநகராட்சியின் ஆணையாளர் சிவகுரு பிரபாகரன் கலந்து கொண்டு கண்காட்சியை பார்வையிட்டார்.
இந்த கண்காட்சியில் கட்டுமான பணிக்கு தேவையான அனைத்து பொருட்களும் ஒரே இடத்தில் கிடைக்கும் அளவிற்கு ஸ்டால்கள் அமைத்துள்ளன. இதில் சுமார் நூற்றுக்கும் மேற்பட்ட ஸ்டால்கள் அமைத்துள்ளனர். கட்டிட உரிமையாளர்கள் மற்றும் பொதுமக்களுக்கு ஏற்படும் சந்தேகங்களை உரிய ஆலோசனை பொறியாளர் கொண்டு வழங்கப்பட ஸ்டால்கள் அமைக்கப்பட்டுள்ளன. மற்றும் தொழிலாளர் நலன் கருதி அமைப்புசாரா தொழிலாளர்களுக்கு பதிவு செய்தல் மற்றும் புதுப்பித்தல் வேலைகளும் இலவசமாக செய்து தரப்படுகிறது.
இந்த கண்காட்சியானது அவிநாசி சாலையில் உள்ள கொடிசியா ஏ ஹால் 28ம் தேதி இன்றும் நாளையும் நடைபெறுகிறது. இதில் 120 ஸ்டால்கள் அமைக்கப்பட்டுள்ளன. பொதுமக்கள் அனைவரும் இலவசமாக வந்து பங்கு பெறலாம். இதில், கோசீனா கான் பெஸ்ட் தலைவர் வி பி பழனிச்சாமி, க்ரிக் கான் பெஸ்ட் தலைவர் ராஜதுரை, செயலாளராக செந்தில்நாதன், எஸ் கே இளங்கோவன்,பொருளாளர் சுந்தர்ராஜன், எம் செந்தில் குமார் மற்றும் கோசீனா மற்றும் க்ரிக் நிர்வாகிகள் கலந்து கொண்டு விழாவினை சிறப்பித்தனர்.
For English News
