February 1, 2023 
தண்டோரா குழு
கோவை – திருப்பூர் இடையே இருகூர் – சூலூர் சாலை ரயில் பாதையில் பொறியியல் பராமரிப்பு பணிகள் மேற்கொள்ளப்படுவதால், கோவை – சேலம் ரயில் பிப்ரவரி 1ம் தேதி முதல் 28ம் தேதி வரை ரத்து செய்யப்படுவதாக ரயில்வே நிர்வாகம் சார்பில் தெரிவிக்கப்பட்டுள்ளது.
இது குறித்து, சேலம் ரயில்வே கோட்ட நிர்வாகம் வெளியிட்டுள்ள செய்திக்குறிப்பில் கூறியிருப்பதாவது:
பொறியியல் பராமரிப்புப் பணி காரணமாக பிப்ரவரி 1ம் தேதி முதல் 28ம் தேதி வரை கோவை – சேலம் மெமு ரயில், சேலம் – கோவை மெமு ரயில் முழுவதுமாக ரத்து செய்யப்படுகிறது. திருச்சிராப்பள்ளி – பாலக்காடு ரயில் பிப்ரவரி 1ம் தேதி முதல் பிப்ரவரி 28ம் தேதி வரை 40 நிமிடங்கள் தாமதமாக இயக்கப்படும். பிலாஸ்பூர் – எர்ணாகுளம் வாராந்திர ரயில் பிப்ரவரி 1 முதல் பிப்ரவரி 28ம் தேதி வரை இரண்டரை மணி நேரம் தாமதமாக இயக்கப்படும்.
அதேபோல், நண்டேடு – எர்ணாகுளம் வாராந்திர ரயில் பிப்ரவரி 1 முதல் பிப்ரவரி 28ம் தேதி வரை 3 மணி நேரம் தாமதமாக இயக்கப்படும்.
இவ்வாறு அதில் கூறப்பட்டுள்ளது.
For English News
