March 25, 2022 
தண்டோரா குழு
கோவை தொண்டாமுத்தூர் அருகே பணியின் போது கட்டிட சுவர் இடிந்து விழுந்து விபத்தில் குழந்தை பலியான சம்பவம் பெரும் சோகத்த்தை ஏற்படுத்தியுள்ளது.
கோவை தொண்டாமுத்தூர் அருகே பாபு என்பவருக்கு சொந்தமான நிலத்தில் வீடு கட்டும் பணி நடந்து வருகிறது.அப்போது பணியாளர்கள் வேலை செய்த போது, நேற்று கட்டி முடித்த சுவர் ஒன்று திடிரென சரிந்து விழுந்துள்ளது.இதில் சுவற்றின் அருகே விளையாடி கொண்டிருந்த சன்சிகா என்ற 4வயது,சிறுமி சம்பவ இடத்திலேயே பரிதாபமாக உயிரிழந்தார்.
மற்றொரு சிறுமியான 7வயதான தேவசேனா உடலில் கம்பி குத்திய காயங்களுடன் அக்கம் பக்கத்தினர் மீட்டு கோவை அரசு மருத்துவமனைக்கு அனுப்பி வைக்கப்பட்டார். கட்டிடம் இடிந்து விழுந்து சிறுமி பலியான சம்பவம் அப்பகுதியில் பெரும் சோகத்தை ஏற்படுத்தியுள்ளது.இச்சம்பவம் தொடர்பாக தொண்டாமுத்தூர் போலீசார் விசாரணை நடத்தி வருகின்றனர்.
For English News
