April 8, 2025 
தண்டோரா குழு
வி.ஜி.எம் மருத்துவமனை, வயிற்றுக்குழாயின் எண்டோஸ்கோபி முறையில் ஒரு முக்கியமான சாதனையை பெருமையுடன் இன்று அறிவித்தது.
ஒரு 29 வயது பெண் நோயாளியின் குறுக்குக் குடல் பகுதியில் இருந்த 8 செ.மீ அளவிலான பாலிப் (Polyp) கட்டி ஒன்றை வெற்றிகரமாக எண்டோஸ்கோபி முறையில் அகற்றியது. இந்த சிகிச்சை, பாரம்பரியமான வலது ஹெமிகோலெக்டமி (Right Hemicolectomy) அறுவைசிகிச்சையைத் தவிர்த்துவிட்டு, விஜிஎம் மருத்துவமனை நவீன மற்றும் குறைந்த தலையீட்டுப் போக்குகளுக்கு ஏற்பளிக்கும் முழுமையான உறுதிப்பாட்டைக் காட்டுகிறது.
குடலுக்குள் உள்ள உள் பரப்பில் வளரக்கூடிய பாலிப்கள் வயதுக்கேற்ப அதிகரிக்கின்றன. 50வது வயதிற்குள், சுமார்25-30% நபர்களுக்கு பாலிப்கட்டிகள்உருவாக்கக்கூடும். பாலிப் உருவாக முக்கிய காரணிகள்:மரபணுக் காரணிகள், உணவுப் பழக்கங்கள், வாழ்க்கை முறை, மற்றும் நீண்டகால அழற்சி. பல பாலிப்கள் தீய தன்மைகள்இல்லாதவை என்றாலும், சில வகைகள் காலப்போக்கில் குடல் புற்றுநோயாக மாறக்கூடியவையாக இருக்கின்றன.
உலகளவில் எண்டோஸ்கோபி மூலம் அகற்றப்பட்ட மிகப்பெரிய குடல் பாலிப் என்பது சீனாவில் 18 செ.மீ நீளமுடைய ஹாமார்டோமட்டஸ் பாலிப் ஆகும். இது 47 வயதுடைய ஆண் நோயாளி உடலில் இருந்து EFTR எனும் முறை பயன்படுத்தி அகற்றப்பட்டது. இரண்டாவது பெரிய பாலிப் 9.5 செ.மீ அளவில் சீனாவில் அகற்றப்பட்டது.
இந்நிலையில் 29 வயது இளம் பெண் ஒருவர், வயிற்று வலி, வாந்தி, இரத்தக்குறைவு மற்றும் கடந்த ஒரு மாதத்தில் 10 கிலோ எடை இழப்பு ஆகியவற்றுடன் கோவை வி.ஜி.எம் மருத்துவமனைக்கு வந்தார். சி.டி. ஸ்கேன் மூலம் 8 செ.மீ x 5.2 செ.மீ அளவிலான பாலிப் குறுக்குக் குடலில் இருப்பது கண்டுபிடிக்கப்பட்டது.
வழக்கமாக, இத்தகைய பெரிய பாலிப்புகளை அகற்ற அறுவைசிகிச்சை (Right Hemicolectomy) தேவைப்படும். ஆனால், வி.ஜி.எம் மருத்துவமனையின் எண்டோஸ்கோபி குழு தலைவர் டாக்டர் வாம்சி முர்த்தி மற்றும் அவருடன் டாக்டர் மதுரா பிரசாத் சுமன், டாக்டர் வி.ஜி. மோகன் பிரசாத் ஆகியோர் இணைந்து 3 மணி நேரம் பணி செய்து பாலிப்பை முழுமையாக அகற்றி, நோயாளியின் குடலை பாதுகாத்து, விரைவில் மீண்டுவர உதவினர்.
இச்செயல்முறை, பெரிய பாலிப்களையும் அறுவைசிகிச்சையின்றி எண்டோஸ்கோபி மூலம் வெற்றிகரமாக அகற்றலாம் என்பதை எடுத்துக்காட்டுகிறது.சிகிச்சையின்பின், நோயாளி குறைந்த வலியுடன் விரைவில் வெளியேற்றப்பட்டார். பத்தாலஜி பரிசோதனை மூலம், அகற்றப்பட்ட பாலிப் ஒரு அடெனோமா என்பதை உறுதி செய்தது, மேலும் புற்றுநோயாக மாறவில்லை என்பதும் உறுதி செய்யப்பட்டது. இதனால் மேலதிக புற்றுநோய் சிகிச்சை தேவையில்லை.
இந்த நிகழ்வு,நவீன தொழில்நுட்பங்களைப் பயன்படுத்தி நோயாளியின் நலனில் அதிக கவனம் செலுத்தும் விஜிஎம் மருத்துவமனையின் உயர்ந்த சேவையை வெளிப்படுத்துகிறது.
இந்தியாவில் கொலானிக் பாலிப்ஸ் பரிசோதனை எவருக்கு தேவை?
•50 வயது அல்லது அதற்கு மேல் உள்ளவர்கள் (சில வழிகாட்டுதல்கள் 45 இல் துவங்கலாம் என கூறுகின்றன).
•குடும்பத்திலோ CRC (பெருங்குடல்புற்றுநோய்) அல்லது மரபியல் சிண்ட்ரோம்கள் இல்லாதவர்கள். குடல் அழற்சிநோய்கள் (IBD) இல்லாதவர்கள்.
•முதல் நிலை உறவினர் ஒருவருக்கு 60 வயதுக்கு முன்னர் CRC அல்லது மேம்பட்ட அடினோமா இருந்தால், பாலிப்ஸ் அல்லது புற்றுநோய் வரலாறுடையவர்கள்.
•முந்தைய பாலிப்களின் எண்ணிக்கை, அளவு மற்றும் வகையை பொறுத்து கண்காணிப்பு கோலோனாஸ்கோபி தேவைப்படும்.
•8–10 ஆண்டுகளுக்கும் மேலான காலத்துக்கு அல்சரேட்டிவ் கோலைடிட்ஸ் அல்லது குரோன்ஸ் கோலைடிட்ஸ் உள்ளவர்கள்
•அதிக அளவில் சிவப்பு இறைச்சி உணவு
•குறைந்த நார்ச்சத்து கொண்ட உணவு
•உடல் பருமன்
•புகைபிடித்தல்
•அதிக மது அருந்துதல், குறைந்த உடல் இயக்கம்.
இந்தியாவின் நிலை
பெருங்குடல் புற்றுநோய் இந்தியாவில், குறிப்பாக நகரங்களில், அதிகரித்து வருகிறது. நமது நாட்டில் விழிப்புணர்வும் தற்காப்பு பரிசோதனைகளும் இல்லாததால் பலருக்கு புற்றுநோய் தாமதமாக கண்டறியப்படுகிறது.மேலும் செலவு மற்றும் நடைமுறை சிக்கல்கள் கோலோனாஸ்கோபி பரிசோதனைக்கு தடையாக இருக்கலாம். இதில் FIT பரிசோதனை அல்லது மலம் DNA பரிசோதனைபொதுமக்கள் திரையிடலுக்கு உதவும்
For English News
