December 14, 2017 
தண்டோரா குழு
கேரளாவில் சட்டக்கல்லூரி மாணவி ஜிஷாவை பாலியல் வன்கொடுமை செய்த அமிருல் இஸ்லாமிற்கு தூக்கு தண்டனை விதித்து எர்ணாகுளம் நீதிமன்றம் தீர்ப்பளித்தது.
கேரள மாநிலம் பெரும்பாவூரை ஊரைச் சேர்ந்தவர்சட்டக்கல்லூரி மாணவி ஜிஷா. இவர் கடந்த ஏப்ரல் மாதம் 28-ம் தேதி பாலியல் பலாத்காரம் செய்யப்பட்டு கொடூரமாக கொலை செய்யப்பட்டார். இச்சம்பவம் கேரள மட்டுமின்றி நாடு முழுவதும் பெரும் பரபரப்பை
ஏற்படுத்தியது.
இதையடுத்து, கொலை வழக்கு தொடர்பாக தீவிர விசாரணை மேற்கொண்ட கேரள போலீசார் சென்னையை அடுத்த காஞ்சிபுரத்தில்பதுங்கி இருந்த கட்டிட தொழிலாளி அம்ரூல் இஸ்லாமலை கைது செய்தனர். இதனிடையே எர்ணாகுளம் நீதிமன்றத்தில் 18 மாதங்களாக நடைபெற்ற வழக்கில் நேற்று முன்தினம் அமீருல் இஸ்லாம் குற்றவாளி என தீர்பளிக்கப்பட்டது.
இதனையடுத்து, குற்றவாளிக்கு அதிகபட்ச தண்டனை வழங்க வேண்டும் என்று ஜிஷா குடும்பத்தினர் வலியுறுத்தினர். இந்நிலையில், ஜிஷா வன்கொடுமை செய்யப்பட்டு கொல்லப்பட்ட வழக்கில் குற்றவாளி அமீருல் இஸ்லாமுக்கு தூக்கு தண்டனை விதித்துஎர்ணாகுளம் நீதிமன்றம் தீர்ப்பளித்தது.
For English News
