March 29, 2016 
வினித்ராஜா .க
63-வது தேசிய திரைப்பட விருதுகள் அறிவிக்கப்பட்டுள்ளன. இதில் ‘ஐ’ படத்துக்காக அதிகம் எதிர்பார்க்கப்பட்ட நடிகர் விக்ரமுக்கு ஒரு விருது கூட கிடைக்கவில்லை. இதனால் ரசிகர்கள் பலர் தங்களது எதிர்ப்புகளைச் சமூக வலைத்தளங்களில் பதிவு செய்து வருகின்றனர்.
அவர்களுடன் இணைந்து ஐ படத்தின் ஒளிப்பதிவாளரும் தனது எதிர்ப்பினை டிவிட்டரில் வெளிப்படுத்தியுள்ளார். அவர் கூறியதாவது, “தேசிய விருதுகள் பல சமயத்தில் அதன் நோக்கத்தை இழந்துவிடுகிறது. இது விக்ரமுக்கு கிடைத்த இழப்பு அல்ல. தேசிய விருதுகளுக்கான இழப்பு” என்றார்.
அதுமட்டுமின்றி விசாரணை படத்தை இயக்கிய வெற்றிமாறன் மற்றும் ஐ படத்தில் நடித்த விக்ரம் ஆகியோருக்கு விருது கிடைக்காதது தனக்கு வருத்தமளிப்பதாக சமுத்திரக்கனி கூறியுள்ளார்.
மேலும் ஐ படத்துக்காக விக்ரம் கொடுத்த உழைப்பு வார்த்தைகளால் சொல்லமுடியாதது என்றும் அவர் கூறியுள்ளார். விசாரணை படத்துக்காக சிறந்த துணை நடிகருக்கான விருதை சமுத்திரக்கனி பெற உள்ளார் என்பது குறிப்பிடத்தக்கது.
For English News
