August 7, 2017 
தண்டோரா குழு
சென்னையிலுள்ள அமெரிக்கத் துணைத் தூதரகத்தின் துணைத் தூதராக ராபர்ட் பர்ஜெஸ் பொறுப்பேற்றுக் இன்று கொண்டார்.
இது குறித்து ராபர்ட் பர்ஜெஸ்,
அமெரிக்க-இந்திய உறவின் முக்கியமான இக்காலகட்டத்தில், தென்னிந்தியாவில் அமெரிக்க அரசின் பிரதிநிதியாகப் பணியாற்றுவதை பெருமையாகக் கருதுகிறேன். தமிழ்நாடு, கர்நாடகம் மற்றும் கேரளம் பற்றி அறிந்துகொள்ளவும் இருதரப்பு நல்லுறவை முன்னெடுத்துச் செல்லவும் ஆர்வமாக இருக்கிறேன்” என்கிறார்.
ராபர்ட் பர்ஜெஸ், அமெரிக்க வெளியுறவு அமைச்சகத்தின் கீழ், தலைநகர் வாஷிங்டனில் இயங்கும் தெற்கு மற்றும் மத்திய ஆசிய விவகாரப் பிரிவு சார்ந்த பிராந்திய பிரச்சினைகளைக் கையாளும் அலுவலகத்தில் இயக்குநராகவும் தாஜிகிஸ்தானிலுள்ள துஷான்பே அமெரிக்கத் தூதரகத்தில், துணைத் தலைமைத் தூதராகவும் பணியாற்றியிருக்கிறார்.
மேலும்,பிஷ்கெக் (கிர்கிஸ்தான்), பாகு(அஜர்பெய்ஜான்), லிலோங்வே (மால்வி), கராச்சி (பாகிஸ்தான்) ஆகிய இடங்களிலும் அமெரிக்க வெளியுறவு அதிகாரியாகப் பணியாற்றியிருக்கிறார்.வெளியுறவுப் பணிக்கு வரும்முன், வழக்கறிஞராகப் பணிபுரிந்துள்ளார் என்பது குறிப்பிடத்தக்கது.
For English News
