September 6, 2022 
தண்டோரா குழு
கோவையை இந்தியாவின் பிரதானமான முதலீடு மற்றும் வியாபாரத் தளமாக மாற்ற இந்திய தொழில் கூட்டமைப்பு ( சி.ஐ.ஐ ) சார்பில் கோயம்புத்தூர் நெஸ்ட்டு (NXT) திட்டம் துவக்க நிகழ்ச்சி வரும் செப்டம்பர் 12ம் தேதி நடைபெற உள்ளது.
“கோயம்புத்தூர் (NXT) நெஸ்ட்டு ” என்ற ஒரு தனித்துவமான பல்லாண்டு முயற்சி குறித்த செய்தியாளர் சந்திப்பு,கோவையில் இன்று ஏற்பாடு செய்யப்பட்டது. இந்த தனித்துவமான முயற்சி 12 செப்டம்பர் 2022 அன்று, அரசாங்கத்தின் முக்கிய அதிகாரிகள், தொழில்துறை பிரமுகர்கள் மற்றும் பிற பங்குதாரர்கள் முன்னிலையில் நகரில் தொடங்கப்படும்.
பத்திரிக்கையாளர் சந்திப்பில்
CII கோயம்புத்தூர் மண்டலத்தின் தலைவர் எஸ் பிரசாந்த் பேசுகையில் ,
கோயம்புத்தூர் NXT மூலம், கோவையை இந்தியாவின் பொருளாதார தளமாக மாற்ற வேண்டும் என்பதே CII – யின் நோக்கமாகும். கோயம்புத்தூர் நெஸ்ட்டு மூலம், நகரத்தின் முக்கிய பங்குதாரர்களுடன் கூட்டாக இணைந்து பணியாற்றி, CII, புதிய நம்பிக்கைகளை விதைக்கவும், வழிகாட்டவும் மற்றும் அவர்களை உலக அளவில் வணிகம் செய்ய தயார் படுத்தவும், உள்ளூர் தொழில்களை வலுப்படுத்தவும் உதவுகிறது.
வித்தியாசமான முறையில், கோயம்புத்தூர் நெஸ்ட்டு ஆனது உலகம் முழுவதிலுமிருந்து முதலீடுகளை ஈர்த்து பாரம்பரிய மற்றும் வளர்ந்து வரும் துறைகள் மற்றும் துடிப்பான ஸ்டார்ட்-அப் சூழலை வளர்ப்பதற்கும் முயற்சி செய்கிறது என்றார்.
CII கோயம்புத்தூர் மண்டலத்தின் முன்னாள் தலைவர் அர்ஜுன் பிரகாஷ் கூறுகையில்,
கோயம்புத்தூர் நெஸ்ட்டு என்பது, எங்கள் பிராந்தியம் வெளி உலகிற்கு தன்னை வெளிப்படுத்துவதற்கான ஒரு தொடர்ச்சியான மற்றும் முற்போக்கான, பல ஆண்டு முன்முயற்சியாக இருக்கும் என்று குறிப்பிட்டார்.
பிரசாந்த் இந்த வெளியீட்டு நிகழ்வில் தொழில்துறையில் உள்ள பிரபலங்களின் முதன்மை வகுப்புகள் உள்ளிட்ட சில முக்கிய கூறுகள் இடம்பெறும் என்று குறிப்பிட்டார்.
சிறப்பம்சங்கள்:
• கோயம்புத்தூர் நெஸ்ட்டு போர்ட்டல், வீடியோ & டிஜிட்டல் கொலாட்டரல் வெளியீடு
• கோயம்புத்தூர் இன்று & நாளை – நமது திறனை மூலதனமாக்குதல்
• தலைமை நிர்வாக அதிகாரியின் முதன்மை வகுப்புகள்
மேலும், பிரசாந்த் கூறுகையில்,
இந்த ஆண்டு மற்றும் வரவிருக்கும் ஆண்டுகளில், கோயம்புத்தூர் நெஸ்ட்டு ஏற்கனவே உள்ள தொழில்கள் தங்கள் வணிக எல்லைகளை விரிவுபடுத்துவதற்கும் உலகளவில் செல்லவும் உதவும். அவர்களின் வணிக மதிப்பைத் திறப்பதற்கும், வளர்ச்சி வியூகங்களை உருவாக்குவதற்கும், அவர்களின் அறிவுசார் சொத்துக்களைக் குறியீடாக்குவதற்கும் ஆதரவளிப்பதற்கும், ஈடுபாடு மற்றும் ஆதரவான தலையீடுகள் மூலம் அவர்களின் டிஜிட்டல் மாற்றப் பயணத்தை செயல்படுத்துவதற்கும் முயற்சிகள் மேற்கொள்ளப்படும். கோயம்புத்தூர் நெஸ்ட்டு ஆனது I2S முன்முயற்சியின் மூலம் தொழில் மற்றும் தொடக்க நிறுவனங்களுக்கான (Startup) இருவழி மதிப்பை உருவாக்க உதவும்.
கோயம்புத்தூர் நெஸ்ட்டு , கோயம்புத்தூரின் வளர்ச்சிக்குத் தேவையான மற்றும் சாதகமான கொள்கை நடவடிக்கைகள் குறித்து அரசாங்கத்தின் பங்குதாரர்களை அணுகுவதோடு, கோயம்புத்தூரில் வளர்ந்து வரும் துறைகளில் புதிய முதலீடுகளைப் பெறுவதற்காக முக்கிய பெருநகரங்கள் மற்றும் முக்கிய உலகளாவிய இடங்களிலுள்ள வெளிப்புற பங்குதாரர்களை அணுகும் என்றார்.
For English News
