August 3, 2017 
தண்டோரா குழு
“ஜமாஅத்தே இஸ்லாமி ஹிந்த் கோவை மாநகரக் கிளை சார்பாக ஹஜ் வழிகாட்டுதல்” நிகழ்ச்சி நடைபெற்றது.
ஜமாஅத்தே இஸ்லாமி ஹிந்த் கோவை மாநகரக் கிளை சார்பாக ஆண்டு தோறும் இந்திய ஹஜ் வாரியம் மூலம் புனித மக்கா மற்றும் மதீனாவிற்கு ஹஜ் பயணம் மேற்கொள்ளும் ஹாஜிகளுக்கு தங்களது ஹஜ் கடமைகளை அதன் உயிரோட்டத்துடன் நிறைவேற்றிட உதவும் வகையில் “ஹஜ் வழிகாட்டுதல்” நிகழ்ச்சியை நடத்தி வருகிறது.
அந்த வகையில் இந்த வருடமும் கோவை மாவட்டம் மற்றும் அதன் சுற்றுப்புறங்களிலிருந்து இந்திய ஹஜ் வாரியம் மூலம் ஹஜ் பயணம் மேற்கொள்ளும் ஹாஜிகளுக்கு ஹஜ் வழிகாட்டுதல்” நிகழ்ச்சி கரும்புக்கடையிலுள்ள நூர் சேட் மஹாலில் நடைபெற்றது.
இந்நிகழ்வில், “ஹஜ்ஜின் உயிரோட்டம்” எனும் தலைப்பில் மௌலவி. ஃபக்கீர் முஹம்மது பாகவி உரையாற்றினார். M. முஹம்மது இஸ்மாயி ஹஜ்ஜில் செய்யப்படும் வணக்க வழிபாடுகள் மற்றும் அதன் வழிமுறைகள் குறித்து விளக்கமாக காணொளி வடிவில் விளக்கமளித்தார்.
ஜமாஅத்தே இஸ்லாமி ஹிந்த், கோவை மாவட்ட தலைவர் சையது இப்ராஹிம் தலைமையில் நடைபெற்ற இந்நிகழ்ச்சியில் சுமார் 200 ஹாஜிகள் கலந்து கொண்டனர்.
For English News
