July 18, 2017 
தண்டோரா குழு
கர்நாடக மாநிலத்திற்கென தனிக்கொடி அமைப்பது குறித்து அம்மாநில முதலமைச்சர் சித்தராமையா 9 பேர் கொண்ட குழு அமைத்துள்ளார்.
இந்தி திணிப்பிற்கு எதிராக அண்மையில் கர்நாடகாவில் போராட்டம் தீவிரமடைந்தது. அப்போதிலிருந்து கர்நாடகாவிற்கென தனிக்கொடி அமைக்க வேண்டும் என கன்னட அமைப்புகள் தொடர்ந்து கோரிக்கை விடுத்து வந்தன.
இந்நிலையில், மாநில முதல்வர் சித்தராமையா இது தொடர்பாக அம்மாநில ஆளுநரின் ஒப்புதலுடன் 9 பேர் கொண்ட குழு அமைத்துள்ளார்.இது தொடர்பாக சட்ட ஆலோசனைகள் கேட்கப்பட்டு வருவதாகவும் கூறப்பட்டுள்ளது.
இந்தியாவில் இதுவரை காஷ்மீர் மாநிலத்திற்கு மட்டுமே சிறப்பு அந்தஸ்தின் பேரில் தனிக்கொடி உள்ளது. அந்தவகையில் கர்நாடக தனிக்கொடியை உருவாக்கினால், இந்திய அளவில் தனிக்கொடி கொண்ட 2வது மாநிலம் என்ற பெருமையை கர்நாடகம் பெறும்.ஆனால், இதற்கு அம்மாநில எதிர்கட்சிகள் எதிர்ப்பு தெரிவித்து வருகின்றன என்பது குறிப்பிடதக்கது.
For English News
