September 12, 2022 
தண்டோரா குழு
தனியார் அரிசி ஆலையிலிருந்து வெளியேறும் செல் பூச்சிகள் கடித்து, குழந்தைகளும், பெரியவர்களும் கடுமையாக பாதிக்கப்படுவதாக பாதிக்கப்பட்ட கிராம மக்கள் கோவை மாவட்ட ஆட்சியர் அலுவலகத்தில் புகார் அளித்தனர்.
கோவை மாவட்டம் அன்னூர் குன்னத்தூரான் பாளையத்தில் செயல்பட்டு வரும் தனியாருக்கு சொந்தமான எஸ் எஸ் மாடன் ரைஸ் மில் அரிசி ஆலையிலிருந்து வெளியேறும் செல் பூச்சிகள் அப்பகுதி முழுவதும் பரவி இருப்பதாகவும், செல் பூச்சிகள் கடித்ததில் அப்பகுதியில் உள்ள மக்களின் உடல்களில் தடிப்புகள் ஏற்பட்டு பாதிக்கப்பட்டுள்ளதாகவும்,இதற்காக பலமுறை புகார் அளித்தும் நடவடிக்கை எடுக்கவில்லை என்று கூறி இன்று மீண்டும் கோவை மாவட்ட ஆட்சியரிடம் புகார் அளித்தனர்.
மேலும் கைக்குழந்தைகளின் தலை மற்றும் உடல்களில் செல் பூச்சிகள் கடித்ததில் 10 நாட்களுக்கு ஒரு முறை மருத்துவமனைக்கு கொண்டு செல்லும் அவலம் ஏற்பட்டுள்ளதாகவும் பொதுமக்கள் குற்றம் சாட்டுகின்றனர்.கடந்த ஐந்து ஆண்டுகளாக சுகாதாரத்துடன் செயல்பட்டு வந்த தனியார் அரிசி ஆலை நிர்வாகம் தற்பொழுது முறையாக பராமரிக்கப்படாததால் அரிசி ஆலையில் இருந்து பெரும் அளவில் செல் பூச்சிகள் வெளியேறி வருவதாக செல் பூச்சிகளுடன் வந்து மாவட்ட ஆட்சியரிடம் பாதிக்கப்பட்ட மக்கள் புகார் அளித்தனர்.
For English News
