March 21, 2022 
தண்டோரா குழு
கோவை மாவட்ட வேலைவாய்ப்பற்ற இளைஞர்கள் பயன் பெறும் வகையில் வரும் 27ம் தேதி ஞாயிற்றுக்கிழமை அன்று நடைபெற இருந்த வேலைவாய்ப்பு முகாம் நிர்வாக காரணங்களினால் வரும் 26ம் தேதி சனிக்கிழமை நடைபெறும் என ஆட்சியர் சமீரன் தெரிவித்துள்ளார்.
இதுகுறித்து ஆட்சியர் சமீரன் தெரிவித்துள்ளதாவது:
கோவை மாவட்ட வேலைவாய்ப்பு மற்றும் தொழில் நெறிவழிகாட்டும் மையம் மூலமாக தனியார் நிறுவனங்களில் பணிபுரிவதற்கான பெரிய அளவிலான தனியார்துறை வேலைவாய்ப்பு முகாம் வரும் 27ம் தேதி ஞாயிற்றுக்கிழமை அன்று நடைபெற இருந்தது.
இம்முகாம் நிர்வாக காரணங்களினால் வரும் 26ம் தேதி சனிக்கிழமை காலை 9 மணியளவில் சூலுாரில் அமைந்துள்ள தனியார் (ஆர்.வி.எஸ்) கலை மற்றும் அறிவியல் கல்லூரியில் நடத்திட ஏற்பாடு செய்யப்பட்டுள்ளது. இம்முகாமிற்கு வருகை புரியும் அனைத்து இளைஞர்களும் தங்களது சுயவிவரம் மற்றும் கல்விச்சான்றிதழ்களின் நகல்களுடன் கலந்துகொண்டு வேலைவாய்ப்பு பெறலாம். இம்முகாமில் கலந்துகொள்ள வயது வரம்பு இல்லை. இம்முகாமில் பல்வேறு துறைகளை சார்ந்த 170-க்கும் மேற்பட்ட தனியார்துறை நிறுவனங்கள் கலந்து கொள்ள உள்ளன.
10 ஆயிரத்திற்கும் மேற்பட்ட பணிக்காலியிடங்களுக்கு பணியாளர்களைத் தேர்வு செய்ய உள்ளனர்.
இவ்வாறு கலெக்டர் தெரிவித்துள்ளார்.
For English News
