February 28, 2017 
தண்டோரா குழு
அதிமுக முன்னாள் சட்டப் பேரவை உறுப்பினரும் நடிகருமான ராதாரவி திமுக செயல் தலைவர் மு.க. ஸ்டாலின் முன்னிலையில் திமுகவில் செவ்வாய்க்கிழமை இணைந்தார்.
திமுகவில் இணைந்த பின்னர், பேசிய அவர், “தமிழ்நாட்டைக் காப்பாற்ற ஸ்டாலினால்தான் முடியும்” என்று கூறினார்.
திமுகவில் முறைப்படி தன்னை இணைத்துக் கொண்ட பிறகு செய்தியாளர்களைச் சந்தித்த ராதாரவி, “திமுகவில் இணைந்திருப்பதன் மூலம் தாய் வீட்டில் இருப்பதாக உணர்கிறேன். எனது தாயார் மரணமடைந்த நிலையில், தைரியமாக வந்து ஆறுதல் சொன்னவர் ஸ்டாலின். தமிழகத்தில் வேறு தலைவர்கள் யாரும் இல்லை. அதனால் திமுகவில் இணைந்துள்ளேன். திமுக விரைவில் ஆளுங்கட்சியாக மாறும். தமிழ்நாட்டை ஸ்டாலினால் மட்டுமே காப்பாற்ற முடியும். திமுகவில் இணைந்தது மகிழ்ச்சி” என்று கூறினார்.
For English News
