December 6, 2017 
தண்டோரா குழு
சிறுமி ஹாசினி பாலியல் வன்கொடுமை செய்து கொன்ற வழக்கில் கைதாகி ஜாமினில் வந்த போது, பெற்ற தாயையையும் கொன்றுவிட்டு தப்பியோடிய தஷ்வந்த் மும்பையில் கைது செய்யப்பட்டுள்ளார்.
கடந்த பிப்ரவரி மாதம்சென்னை மாங்காடு பகுதியைச் சேர்ந்த 7 வயது சிறுமி ஹாசினியை அவரது பக்கத்து வீட்டில் வசித்த தஷ்வந்த் என்ற இளைஞர் பாலியல் துன்புறுத்தலுக்கு உள்ளாக்கி பெட்ரோல் ஊற்றி எரித்துக் கொன்றார்.சிறுமி கொலை, பலாத்காரம் வழக்கில் கைது செய்யப்பட்ட தஷ்வந்த் குண்டர் சட்டத்தில் சிறையில் அடைக்கப்பட்டார். ஆனால், அவர் மீதான குண்டர் சட்டம் தொடர்பாக போலீஸார் விளக்கமளிக்காததால் நீதிமன்றம் குண்டாஸ் சட்டத்தை ரத்து செய்தது. இதனையடுத்து சிறையில் இருந்து வெளியேவந்த தனது பெற்றோருடன் வசித்துவந்தார்.
இந்நிலையில்,தஷ்வந்த்தின் தாய் சரளா அவரது வீட்டில் கொலை செய்யபட்டார். அக்கம்பக்கத்தினர் கொடுத்த தகவலின் பேரில் சம்பவ இடத்துக்கு வந்த போலீஸார் சடலத்தைக் கைப்பற்றி பிரேத பரிசோதனைக்கு அனுப்பிவைத்தனர். வீட்டிலிருந்த நகை, பணம் கொள்ளை போயுள்ளது. தஷ்வந்தும் வீட்டில் இல்லை. இதனால், தஷ்வந்த் மீதான சந்தேகம் போலீஸுக்கு வலுத்துள்ளது. இதையடுத்து, தலைமறைவான தஸ்வந்த் சிங்கை பிடிக்க மூன்று தனிப்படை அமைத்து போலீசார் தேடி வந்தனர்.
இந்நிலையில், சென்னை மாங்காட்டில் தாயைக் கொன்ற வழக்கில் தேடப்பட்டு வந்த தஷ்வந்த் மும்பையில் போலீசார் கைது செய்துள்ளனர்.
For English News
