April 20, 2017 
தண்டோரா குழு
நாட்டிலேயே முதல்முறையாக திருநங்கைகளுக்கான விளையாட்டு போட்டிகள் கேரளாவில்வரும் 28-ம் தேதி நடைபெறவுள்ளது என்று கேரளா விளையாட்டுத்துறை அமைச்சகம் தெரிவித்துள்ளது.
இது குறித்து கேரள மாநிலத்தின் விளையாட்டு மற்றும் இளைஞர் விவகார இயக்குனர் சஞ்சையன் குமார் கூறுகையில்,
“நாட்டிலேயே திருநங்கைகளுக்கு என்று முதன் முதலாக கேரளாவில் விளையாட்டு துறை சார்பில் விளையாட்டு போட்டிகள் வரும் 28-ம் தேதி திருவனந்தபுரம் சென்ட்ரல் விளையாட்டு அரங்கத்தில் நடைபெற உள்ளது.
இதில் 4௦௦ மற்றும் 800 மீட்டர் ஓட்டப்பந்தையம், நீளம் தாண்டுதல், குண்டு எறிதல் போன்ற விளையாட்டுகள் இடம்பெறும். கேரளாவிலிருந்து 2௦ திருநங்கைகள் இதில் பங்கேற்கிறார்கள் ” என்றார் அவர்.
திருநங்கை உரிமை ஆர்வலர் ஷீத்தல் கூறுகையில்,
“ திருநங்கைகளுக்கான கொள்கையின் ஒரு பகுதியாக தான் இந்த போட்டி நடைபெறுகிறது. எங்களுடைய சமூக வாழ்வு இந்த கொள்கையால் மாறியுள்ளது. எங்களுடைய இனத்தை குறித்து வெளிப்படையாக பேச நாங்கள் தயாராக உள்ளோம்.
இந்த விளையாட்டு போட்டியில் நானும் கலந்துக்கொள்ள போகிறேன். மாவட்ட விளையாட்டு குழு எங்களுக்கு பயிற்சி அளித்து தயார் செய்யும். கேரள அரசு எங்களுக்கு ஆதரவு அளிக்க முன் வந்துள்ளது” என்றார்.
For English News
