April 21, 2022 
தண்டோரா குழு
கோவை வழித்தடத்தில் இன்று (ஏப்ரல் 21) முதல் திருநெல்வேலி-மேட்டுப்பாளையம் இடையே வாராந்திர சிறப்பு ரயில் இயக்கப்பட உள்ளது.
கோடை விடுமுறையை முன்னிட்டு திருநெல்வேலியில் இருந்து கோவை, பொள்ளாச்சி வழித்தடத்தில் மேட்டுப்பாளையத்துக்கு இன்று முதல் ஜூன் 30 ஆம் தேதி வரை சிறப்பு ரயில் இயக்க நடவடிக்கை மேற்கொள்ளப்பட்டுள்ளது. அதன்படி, திருநெல்வேலி-மேட்டுப்பாளையம் வாராந்திர சிறப்பு ரயில் திருநெல்வேலியில் இருந்து இன்று முதல் வியாழக்கிழமைகளில் இரவு 7 மணிக்கு புறப்பட்டு மறுநாள் காலை 7.30 மணிக்கு மேட்டுப்பாளையம் சென்றடையும்.
இதேபோல், ஏப்ரல் 22 ஆம் தேதி முதல் ஜூன் 1 ஆம் தேதி வரை வெள்ளிக்கிழமைகளில் மேட்டுப்பாளையத்தில் இருந்து இரவு 7.45 மணிக்கு புறப்படும் மேட்டுப்பாளையம் – திருநெல்வேலி வாராந்திர சிறப்பு ரயில் மறுநாள் காலை 7.45 மணிக்கு திருநெல்வேலியை சென்றைடையும்.
இந்த ரயிலானது,சேரன்மாதேவி,அம்பை, கடையம்,பாவூர் சத்திரம்,தென்காசி, ராஜபாளையம்,ஸ்ரீவில்லிப்புத்தூர், சிவகாசி, விருதுநகர்,மதுரை,திண்டுக்கல்,ஒட்டன்சத்திரம், பழனி,உடுமலை,பொள்ளாச்சி,போத்தனூர், கோவை நிலையங்களில் நின்று செல்லும் என சேலம் கோட்ட ரயில்வே நிர்வாகம் சார்பில் தெரிவிக்கப்பட்டுள்ளது.
For English News
