April 27, 2017 
தண்டோரா குழு
திருப்பூர் அருகே மதுப்பானக்கடையை அடித்து நொறுக்கிய 200 பேர் மீது காவல்துறை வழக்கு பதிவு செய்துள்ளதை கண்டித்து இன்று அப்பகுதியில் முழு கடையடைப்பு போராட்டம் நடைபெற்று வருகிறது.
திருப்பூர் மாவட்டம் பல்லடம் அருகே உள்ள முதலிபாளையம் பகுதியில் நேற்று மதுப்பானக் கடையை மூடக்கோரி போராட்டம் நடைபெற்றது. இந்த போராட்டத்தின் போது அக்கடையின் பார் பொதுமக்களால் அடித்து நொறுக்கப்பட்டது.
இதையடுத்து போராட்டத்தில் ஈடுபட்ட பொதுமக்கள் சாலை மறியலில் ஈடுபட்டதால் சுமார் 500 பேர் நேற்று கைது செய்யப்பட்டனர். அதில் 200 பேர் மீது வழக்கு பதிவு செய்யப்பட்டுள்ளதாகவும், 24 பேர் நீதிமன்ற காவலில் வைக்கப்பட்டுள்ளதாகவும் திருப்பூர் மாவட்ட காவல் கண்காணிப்பாளர் தெரிவித்துள்ளார்.
இந்நிலையில் சிறையில் அடைக்கப்பட்டவர்களை விடுவிக்கக்கோரியும், வழக்குகளை திரும்பப் பெற வலியுறுத்தியும், 2௦௦ பேர் வழக்கு பதிவு செய்ததை கண்டித்தும் முதலிபாளையம் பகுதியில் இன்று முழு கடை அடைப்பு போராட்டம் நடத்தப்பட்டு வருகிறது.
For English News
