August 26, 2017 
எலிசபெத்
அமெரிக்காவில் சிறுவன் ஒருவன் திரைப்படத்தின் காட்சி ஒன்றை நினைவில் கொண்டு, அதேபோல் செய்து, தனது சகோதரனின் உயிரை காப்பற்றியுள்ளான்.
அமெரிக்கைவில் வசிக்கும் 1௦ வயது சிறுவன் ஜேகப் ஓ கானர், தனது 2 வயது சகோதரன் டிலன்னுடன், பாட்டி வீட்டிற்கு விடுமுறைக்காக சென்றான். அங்கு ஜேகப் தொலைக்காட்சி பார்த்துகொண்டிருந்தான், அவனுடைய சகோதரன் டிலன் வீட்டில் விளையாடிக்கொண்டிருந்தான். சிறிது நேரம் கழித்து, வீட்டின் பின்புறத்தின் கதவு திறந்து இருப்பதையும், டிலன் விளையாடிக்கொண்டிருந்த இடத்தில் இல்லாததையும் ஜேகப் கவனித்துள்ளான்.
அவன் வெளியே சென்று பார்த்தபோது, அங்கிருந்த நீச்சல் குளத்தில் டிலன் தலைகீழாக கிடப்பதை பார்த்தான். உடனே அவனை வெளியே கொண்டு வந்தான். சமீபத்தில் அவன் பார்த்த ஹாலிவுட் திரைப்படம் ஒன்றில், தண்ணீருக்குள் விழுந்த தனது மகளின் உயிரை காப்பாற்ற, அந்த பெண்ணின் தந்தை, இதய பகுதியில் கைகளை வைத்து, மூச்சு விடும் வரை அழுத்துவார். அந்த காட்சியில் நடந்ததை அப்படியே டிலனுக்கு செய்தான். சிறிது நேரத்தில் டிலன் கண் விழித்தான்.
டிலனை அழைத்துக்கொண்டு, தனது பாட்டியிடம் நடந்ததை கூறினான். உடனே அவர் டிலனை அருகிலிருந்த மருத்துவமனைக்கு அழைத்து சென்றார்.
சிறுவன் ஜேகப் செய்த சரியான செயலால், டிலன் உயிர் பிழைத்தான். சிறிது நேரம் தாமதம் ஆகியிருந்தால், நிச்சயன் டிலனின் உயிரை காப்பாற்றியிருக்க முடியாது என்று டிலனுக்கு சிகிச்சை அளித்த மருத்துவர்கள் தெரிவித்தனர்.
For English News
