July 29, 2017 
தண்டோரா குழு
கக்கூஸ் ஆவணப்பட இயக்குநர் திவ்யபாரதிக்கு ஆதரவாக இந்தியாவின் இரும்புப்பெண் என்றழைக்கப்படும் இரோம் சர்மிளா வீடியோ ஒன்றை வெளியிட்டுள்ளார்.
மனித கழிவுகளை மனிதர்களே அகற்றுவது தொடர்பான கக்கூஸ் ஆவணப் படத்தை இயக்கியவர் திவ்யபாரதி.இந்த ஆவணப்படத்திற்கு நல்ல வரவேற்பு கிடைத்தது. எனினும் இதனை பல்வேறு இடங்களில் திரையிட போலீசார் அனுமதி மறுத்து வந்தனர்.
தாழ்த்தப்பட்ட மக்களுக்காக தொடர்ந்து குரல் கொடுத்து வந்த திவ்யபாரதி கடந்த சில நாட்களுக்கு முன்பு 2009ல் மாணவராக இருந்த போது நடைபெற்ற போராட்டத்தில் பங்கேற்றதால் கைது செய்யப்பட்டார். 8 ஆண்டுகளுக்கு முன்பு தொடரப்பட்ட வழக்கில் திவ்யா மதுரை ஆனையுரில் போலீசாரால் கைது செய்யப்பட்டு பின்னர் ஜாமீனில் விடுவிக்கப்பட்டார்.
இந்நிலையில், கக்கூஸ் ஆவணப்பட இயக்குநர் திவ்யபாரதிக்கு ஆதரவாக இந்தியாவின் இரும்புப்பெண் என்றழைக்கப்படும் இரோம் சர்மிளா வீடியோ ஒன்றை வெளியிட்டுள்ளார்.அதில், திவ்யாவின் கக்கூஸ் ஆவணப்படத்தை பார்த்தேன். நெகிழ்ந்து போனேன். அவருக்கு எந்த பிரச்சனை வந்தாலும் அவருக்கு ஆதரவாக நான் இருப்பேன் எனக் கூறியுள்ளார்.
For English News
