February 8, 2022 
தண்டோரா குழு
நகர்புற உள்ளாட்சி தேர்தலை முன்னிட்டு கோவை சிவானந்தகாலனியில் காவல் துறை கொடி அணிவகுப்பு நடைபெற்றது.
கோவையில் நகர்புற உள்ளாட்சி தேர்தலை முன்னிட்டு பொதுமக்கள் அச்சமின்றி தேர்தலில் வாக்களிக்க நம்பிக்கை ஏற்படுத்தும் விதமாக கொடி அணிவகுப்பு மாநகர காவல் துறை சார்பில் இன்று நடைபெற்றது.இந்த கொடி அணிவகுப்பில் 300 போலீசார் மற்றும் காவல்துறை ரோந்து வாகனங்கள் பங்கேற்றன. சிவானந்தா காலனி, சங்கனூர், ரத்தினபுரி ஆகிய பகுதிகளின் வழியாக செல்லும் கொடி அணிவகுப்பு மீண்டும் சிவானந்தா காலனியில் நிறைவடைந்தது.
கோவையில் தேர்தல் பாதுகாப்பிற்காக 1400 பேர் பாதுகாப்பு பணியில் ஈடுபடுத்தப்பட்டு உள்ளதாகவும் ஒரு காவல் நிலையத்திற்கு 10 பேர் வீதம் 150 அதிரடிப்படை வீரர்கள் பாதுகாப்பில் ஈடுபடுவார்கள் என தெரிவிக்கப்பட்டுள்ளது.மாநகராட்சிக்குட்பட்ட பகுதிகளில் உள்ள முப்பத்தி இரண்டு பதற்றமான வாக்குச்சாவடிகளில் கூடுதல் காவல்துறையினர் பாதுகாப்பில் ஈடுபடுவார்கள் என தெரிவிக்கப்பட்டுள்ளது.
For English News
