May 4, 2017 
தண்டோரா குழு
தென்னிந்திய நடிகர் சங்கம் சார்பில் நடிகர் சங்கத்திற்கு கட்டிடம் கட்டப்பட்டு வருகிறது. இதற்கான அடிக்கல் நாட்டு விழா கடந்த மார்ச் 31ம் தேதி, நடந்தது.இதில் ரஜினி உள்பட பல நட்சத்திரங்கள் கலந்து கொண்டனர்.
தற்போது இந்த கட்டிடத்தின் கட்டுமான பணிகளை நிறுத்த வேண்டும் என்று சென்னை உயர்நீதி மன்றத்தில் அந்த பகுதியில் உள்ள மக்கள் மனு தாக்கல் செய்தனர். அம்மனுவில், பிரகாசம் ரோடு மற்றும் ஹபிபுல்லா ரோடு இணையும் இடத்தில் கிட்டத்தட்ட 33 அடி பகுதியை இந்த கட்டிடம் ஆக்கிரமித்துள்ளது.
இதனால் அங்கு வசிப்பவர்களால் பிரகாசம் ரோட்டை பயன்படுத்த முடியவில்லை.இதனால் இப்பகுதி மக்கள் பெரும் இன்னலுக்கு மக்கள் ஆளாகியுள்ளனர் என்று குறிப்பிடப்பட்டுள்ளது.எனினும், நடிகர் சங்க தலைவர் நாசர் ஏற்கனவே சி.எம்.டி.ஏ. மற்றும் கார்பரேஷனின் அனுமதியை பெற்றுவிட்டதாக கூறியிருந்தார்.
இந்நிலையில், இவ்வழக்கை விசாரித்த நீதிபதி “இந்த குற்றச்சாட்டிற்கு நடிகர் சங்கம் மற்றும் கார்ப்பரேஷன் துறையினர் நாளை நீதிமன்றத்திற்கு பதில் அளிக்க வேண்டும்” என்று கூறியுள்ளார்.
For English News
