April 21, 2016 
தண்டோரா குழு
தென்னிந்திய நடிகர் சங்கத்திற்கு விஷால் தலைமையிலான பாண்டவர் அணி பொறுப்பேற்றதில் இருந்து பல்வேறு மாற்றங்களை செய்து வருகிறது. இதன் ஒரு பகுதியாக நடிகர் சங்கத்திற்கு புதிய கட்டிடம் கட்ட நிதி திரட்ட நட்சத்திர கிரிக்கெட் நடத்தப்பட்டது.
இந்த நிலையில் நடிகர் சங்கத்திற்கிருந்த அனைத்து கடன்களும் அடைக்கப்பட்டு விட்டதாகவும், தற்போது நடிகர் சங்க அறக்கட்டளையில் 8 கோடி ரூபாய் நிதி இருப்பதாகவும் தென்னிந்திய நடிகர் சங்க செயலாளர் விஷால் தனது டுவிட்டர் பக்கத்தில் தெரிவித்துள்ளார்.
மேலும், நடிகர் சங்கக் கட்டடம் கட்டும் பணி எப்போது தொடங்கும் என்பது குறித்து வரும் 24-ஆம் தேதி அறிவிக்கப்படும் எனவும் 24-ஆம் தேதி சென்னையில் தென்னிந்திய நடிகர் சங்கத்தின் செயற்குழுக்கூட்டம் நடைபெறவுள்ளதாகவும் அவர் தெரிவித்துள்ளார்.
அதோடு, அக்கூட்டத்தில் நடிகர் சிம்பு நடிகர் சங்க உறுப்பினர் பதவியை ராஜினாமா செய்தது குறித்தும் நட்சத்திர கிரிக்கெட் விவகாரம் குறித்தும் விவாதிக்கப்படும் என எதிர்பார்க்கப்படுகிறது.
For English News
