April 27, 2017 
தண்டோரா குழு
குணச்சித்திர நடிகர் வினுசக்ரவர்த்தி உடல்நலக்குறைவால் சென்னையில் இன்று காலமானார்.
குரு சிஷ்யன், அண்ணாமலை உள்ளிட்ட ஆயிரத்துக்கும் மேற்பட்ட படங்களில் நடித்தவர் வினு சக்ரவர்த்தி (72). உயர் ரத்த அழுத்தம் மற்றும் சர்க்கரை அளவு அதிகரிப்பு காரணமாக கடந்த சில ஆண்டுகளாக இவர் அவதிப்பட்டு வந்தார். இந்நிலையில், இன்று மூச்சடைப்பு காரணாமாக சென்னையில் தனியார் மருத்துவமனையில் அனுமதிக்கப்பட்ட அவர் மாலை 7 மணியளவில் உயிரிழந்தார்.
இவர் தமிழ், மலையாளம், கன்னடம் உள்ளிட்ட மொழிகளில் 1000 படங்களுக்கு மேல் நடித்துள்ளார். பெரும்பாலும் நகைச்சுவை, குணசித்திர மற்றும் வில்லன் வேடங்களிலுமே நடித்துள்ளார்.
மேலும், நடிகை சில்க் சுமிதாவை வண்டி சக்கரம் படத்தின் மூலம் திரையுலகிற்கு அறிமுகப்படுத்தினார். இவர் ரஜினி கமல் உள்ளிட்ட பல நடிகர்களுக்கு இணையாக நடித்து பல்வேறு உயரிய விருதுகளை பெற்றுள்ளார்.
சில்க் சுமிதா வாழ்க்கை வரலாறை சொல்லும் படமான தி டர்ட்டி பிக்சர்சில் சில்க் ஸ்மிதாவை தொலைக்காட்சி, திரைப்பட தயாரிப்பாளர் ஏக்தா கபூர் சித்தரித்த விதத்தை இவர் கடுமையாக விமர்சித்து இருந்தார் என்பது குறிப்பிடத்தக்கது.
For English News
