January 24, 2022 
தண்டோரா குழு
கோவை ஒத்தக்கால் மண்டபத்தை சேர்ந்தவர் முனுசாமி (38). சென்ட்ரிங் தொழிலாளி. இவர் சம்பவத்தன்று ஒத்தக்கால் மண்டபம் முருகன் நகரில் உள்ள ஒரு வீட்டில் வேலை செய்து கொண்டிருந்தார். உணவு இடைவேளை ஓய்வின் போது அருகில் உள்ள பனைமரத்தில் நுங்கு பறிக்க ஏறினார்.
அப்போது திடீரென அவர், சுமார் 40 அடி உயர பனைமர உச்சியில் இருந்து தவறி கீழே விழுந்தார். இதில், அவருக்கு தலை உள்ளிட்ட இடங்களில் பலத்த காயம் ஏற்பட்டது. இதனைப்பார்த்து அதிர்ச்சியடைந்த சக ஊழியர்கள் அவரை மீட்டு கோவை அரசு மருத்துவமனைக்கு அழைத்து சென்றனர்.
ஆனால் அவரை பரிசோதித்த டாக்டர்கள், அவர் வரும் வழியிலேயே இறந்து விட்டதாக தெரிவித்தனர். இது தொடர்பாக செட்டிபாளையம் போலீசார் வழக்குப்பதிவு செய்து விசாரித்து வருகின்றனர்.
For English News
