April 13, 2023 
தண்டோரா குழு
கோவை மாவட்டம் பெரியநாயக்கன்பாளையம் உட்கோட்டம் துடியலூர் காவல் நிலைய எல்லைக்குட்பட்ட பகுதியில் பள்ளியில் படிக்கும் 10 வயது சிறுமியை கோவை ஆனைகட்டி பகுதியை சேர்ந்த ஆசிரியர் ஆறுமுகம் (54) பாலியல் பலாத்காரம் செய்தார்.
இது தொடர்பாக துடியலூர் அனைத்து மகளிர் போலீசார் போக்சோ சட்டத்தின் கீழ் வழக்குப்பதிந்து கைது செய்தனர். அவரை குண்டர் தடுப்புச் சட்டத்தின் கீழ் கைது செய்ய கோவை மாவட்ட காவல் கண்காணிப்பாளர் பத்ரிநாராயணன் பரிந்துரை செய்தார். அதன் அடிப்படையில் ஆறுமுகத்ைத குண்டர் தடுப்புச் சட்டத்தின் கீழ் கைது செய்ய கோவை கலெக்டர் கிராந்தி குமார் பாடி உத்தரவு பிறப்பித்தார்.
பொது அமைதிக்கு குந்தகம் விளைவிக்கும் செயலில் ஈடுபடுபவர்கள் மீது குண்டர் தடுப்புச் சட்டத்தின் கீழ் நடவடிக்கை தொடரும் என மாவட்ட காவல் கண்காணிப்பாளர் எச்சரித்துள்ளார். இந்த வருடத்தில் இதுவரை கோவை மாவட்டத்தில் 4 போக்சோ குற்றவாளிகள் உட்பட 14 பேர் மீது குண்டர் தடுப்பு சட்டத்தின் கீழ் நடவடிக்கை எடுக்கப்பட்டுள்ளது குறிப்பிடத்தக்கது.
For English News
