June 23, 2017 
தண்டோரா குழு
‘பி.எஸ்.எல்.வி., – சி 38’ ராக்கெட், 31 செயற்கை கோள்களுடன், இன்று விண்ணில் பாய்ந்தது.
இஸ்ரோ நிறுவனம், பி.எஸ்.எல்.வி., – சி 38 ராக்கெட் மூலம், ‘கார்ட்டோசாட் – 2’ செயற்கை கோளை, இன்று காலை, 9:29 மணிக்கு, ஆந்திர மாநிலம், ஸ்ரீஹரிகோட்டாவில் உள்ள, சதீஷ் தவான் விண்வெளி ஆய்வு மையத்தில் இருந்து, விண்ணில் செலுத்தியது. மொத்தம் 31 செயற்கைக் கோள்களுடன் ‘பி.எஸ்.எல்.வி. சி–38’ விண்ணில் பாய்ந்தது.
இந்த கார்ட்டோசாட் – 2 செயற்கைக்கோள் பூமியை கண்காணிப்பது, தொலையுணர்வு தகவல்களை பெறுவது, கடல்சார் ஆராய்ச்சி, தகவல் தொடர்பு மற்றும் வானிலை பயன்பாடு உள்ளிட்ட பல நோக்கத்திற்காக பயன்படும்.
மேலும், இந்த செயற்கைக்கோள் அடுத்த 5 ஆண்டுகளுக்கு விண்ணில் செயல்படும் வகையில் வடிவமைக்கப்பட்டுள்ளது என்பது குறிப்பிடத்தக்கது.
For English News
