December 13, 2024 
தண்டோரா குழு
பி.எஸ்.ஜி காலேஜ் ஆஃப் பிசியோதெரபியின் 21 வது பட்டமளிப்பு விழா PSG IMS & R ஆடிட்டோரியத்தில் நடைபெற்றது.
இவ்விழாவில்,சென்னையில் உள்ள வலி மற்றும் பக்கவாதம் மறுவாழ்வு மையத்தின் (பி.எஸ்.ஆர்.சி) இயக்குநர் (நரம்பியல்)
தலைமை விருந்தினராக கலந்து கொண்டார்.
பிஎஸ்ஜி பிசியோதெரபி கல்லூரியின் முதல்வர் பேராசிரியர் ஆர். மகேஷின் வரவேற்பு உரையுடன் விழா தொடங்கியது. பி. எஸ். ஜி & சன்ஸ் அறக்கட்டளைகளின் நிர்வாக அறங்காவலர் எல். கோபாலகிருஷ்ணன் இந்த நிகழ்ச்சிக்குத் தலைமை தாங்கினார்.
27 தங்கப் பதக்கங்கள் வென்றவர்கள் உட்பட மொத்தம் 137 இளங்கலை மற்றும் 61 முதுகலை மாணவர்கள் தங்கள் சான்றிதழ்களையும் பதக்கங்களையும் தலைமை விருந்தினரிடமிருந்து பெற்றனர். கல்லூரி துணை முதல்வர் ஒய். அஷ்ரப் தொழில்முறைக்கான உறுதிமொழி வழங்கப்பட்டது.
ரங்கநாதன் தனது பட்டமளிப்பு உரையில்,
பிசியோதெரபி துறையில் தற்போது நடைபெற்று வரும் மாற்றங்களை எடுத்துரைத்தார்.டிஜிட்டல் தொழில்நுட்பங்களை தங்கள் நடைமுறையில் ஒருங்கிணைப்பதன் மூலமும், அவர்களின் திறன்களை மேம்படுத்துவதன் மூலமும், பாரம்பரிய மருத்துவ மற்றும் கல்வி பாத்திரங்களுக்கு அப்பால் புதிய தொழில் வாய்ப்புகளைப் பயன்படுத்துவதன் மூலமும் இந்த மாற்றங்களைத் தழுவுமாறு பட்டதாரி மாணவர்களை அவர் ஊக்குவித்தார்.
பல சிறந்த மாணவர்கள் அவர்களின் முன்மாதிரியான சாதனைகளுக்காக அங்கீகரிக்கப்பட்டனர்.இளங்கலை பட்டத்திற்கான சிறந்த அவுட்கோயிங் விருதுகள் கிளாட்வின் மஹிபன். G, லேகாஸ்ரீ.S மற்றும் சஹானா. M ஆகியோருக்கு வழங்கப்பட்டன.
இன்டர்ன்ஷிப், பாட-குறிப்பிட்ட சிறப்புகள் மற்றும் ஒட்டுமொத்த கல்வியில் சாதனைகள் ஆகியவற்றில் சிறந்த செயல்திறனுக்காக மாணவர்களுக்கு சிறப்பு விருதுகளும் வழங்கப்பட்டன.
For English News
