June 22, 2017 
தண்டோரா குழு
2024ம் ஆண்டில் மக்கள் தொகை எண்ணிக்கையில் சீனாவை பின்னுக்கு தள்ளி இந்தியா முதலிடம் பிடிக்கும் என ஐ.நா., தெரிவித்துள்ளது.
உலக மக்கள் தொகையில் சீன மக்கள் தொகை 141 கோடியாகவும், இந்திய மக்கள் தொகை 134 கோடியாகவும் தற்போது உள்ளது. ஆனால் 2024ம் ஆண்டில் மக்கள் தொகை எண்ணிக்கையில் சீனாவை பின்னுக்கு தள்ளி இந்தியா முதலிடம் பிடிக்கும் என ஐ.நா.ஆய்வு நடத்தி தெரிவித்துள்ளது.
இது தொடர்பாக நடந்த ஆய்வில் கூறப்பட்டுள்ளதாவது:
தற்போது சீன மக்கள் தொகை 141 கோடியாகவும், இந்திய மக்கள் தொகை 134 கோடியாகவும் உள்ளது. இது உலக மக்கள் தொகையில் முறையே 19 மற்றும் 18 சதவீதமாகும்.அடுத்த 7 வருடத்தில் மக்கள் தொகை எண்ணிக்கையில் சீனாவை இந்தியா முந்தும். 2024ல் இரு நாடுகளின் மக்கள் தொகை தலா 144 கோடியாக இருக்கும்.
இது படிப்படியாக அதிகரித்து இந்திய மக்கள் தொகை 2030ல் 150 கோடியாகவும், 2050ல் 166 கோடியாகவும் இருக்கும். ஆனால்,சீன மக்கள் தொகை 2030 வரை நிலையாகவும் அதன் பின்னர் குறைய துவங்கும் என தெரிவித்துள்ளது.
எனினும், இந்திய மக்கள் தொகை 2050க்கு பிறகே குறைய துவங்கும் என அந்த ஆய்வில் கூறப்பட்டுள்ளது. அதேநேரத்தில் உலகளவில் மக்கள் தொகையில் இந்தியா முதலிடத்தில் இருக்கும் என்றும் அந்த ஆய்வில் தெரிவிக்கப்பட்டுள்ளது.
For English News
