March 20, 2023 
தண்டோரா குழு
மனிதநேய ஜனநாயக கட்சியின் கோவை மாநகர மாவட்ட செயல்வீரர்கள் கூட்டம் மாவட்ட பொறுப்புக்குழு தலைவர் TMS.அப்பாஸ், தலைமையில் கோவை மாவட்ட அலுவலகத்தில் நடைபெற்றது.
இதில் கட்சியின் துணை பொதுச்செயலாளர் கோவை சுல்தான் அமீர், மாநில துணை செயலாளர் அப்துல் பஷீர், ஆகியோர் பங்கேற்று கட்சியின் அடுத்த கட்ட நடவடிக்கைகள் குறித்து நிர்வாகிகளுக்கு பல்வேறு ஆலோசனைகள் வழங்கினர்.
மேலும் மாவட்ட பொறுப்பு நிர்வாக குழு கலைக்கப்பட்டு புதிய மாவட்ட நிர்வாகிகள் மாநில நிர்வாகிகள் முன்னிலையில் தேர்வு செய்யப்பட்டனர். பின்பு அலுவலகத்தின் முன்பு தொண்டர்களின் எழுச்சி முழக்கங்களுக்கிடையே கட்சி கொடியை பொறுப்பு குழு தலைவர் TMS.அப்பாஸ், தெற்கு பகுதி செயலாளர் காஜா உசேன், ஆகியோர் ஏற்றி வைத்தனர்.
இந்நிகழ்வில் தகவல் தொழில்நுட்ப அணி மாநில பொருளாளர் சம்சுதீன், மருத்துவ சேவை அணி மாநில துணை செயலாளர் செய்யது இப்ராஹீம், பொறுப்புக்குழு உறுப்பினர்கள் ATR.பதுருதீன், ரஹ்மத்துல்லா, மன்சூர், மற்றும் மாவட்ட அணி நிர்வாகிகள், மாவட்ட செயற்குழு உறுப்பினர்கள், பகுதி, கிளை, நிர்வாகிகள் திரளாக பங்கேற்றனர்.
For English News
