May 3, 2016 
தண்டோரா குழு
மலேசியாவில் வசித்து வரும் விவசாயி ஒருவர் சில நாட்களுக்கு முன்பு அதிர்ச்சி ஊட்டும் ஒரு புகைப்படத்தை வெளியிட்டார். அதில் அவர் வளர்க்கும் ஆட்டுக் குட்டி ஒன்று மனித உருவம் கொண்டது போல் காட்சி அளித்துப் பார்ப்பவர் அனைவரையும் வியப்படைய வைத்தது.
இப்ராஹீம் பஷீர் என்னும் விவசாயி தெற்கு மலேசியா நாட்டில் உள்ள பெல்டா என்னும் சிறிய கிராமத்தில் வசித்து வருகிறார். சில தினங்களுக்கு முன் அவர் வளர்க்கும் கால்நடையில் ஒன்றான ஆட்டிற்கு மனித உருவம் போல் காட்சி அளிக்கும் ஆட்டுக் குட்டி ஒன்று பிறந்தது.
தனது ஆட்டிற்குப் பிறந்த அதிசய குட்டியை கண்டு மிகவும் அதிர்ச்சி அடைந்ததாக அந்த விவசாயி செய்தியாளர்களிடம் தெரிவித்துள்ளார்.
ஆனால் இதில் சோகம் என்னவென்றால் அந்தக் குட்டி பிறந்த சில மணி நேரத்திலேயே பரிதாபமாக இறந்துவிட்டது. பின்னர் அந்த விவசாயி அந்தக் குட்டியை பரிசோதனைக்காகக் கால்நடை துறையினரிடம் ஒப்படைத்துள்ளார்.
கிராம மக்கள் அனைவரும் இப்ராஹீம் பஷீருக்கு உதவும் வகையில் அந்தக் குட்டி இறந்ததற்காகச் சிறிய தொகையைக் கொடுக்க முன்வந்தனர்.
ஆனால் பஷீர் அதற்குப் பதிலாக அந்த ஆட்டுக்குட்டியின் வடிவம் கைக்குழந்தையின் உருவம் கொண்டது போல் கட்சி அளிப்பதால் சிறந்த வல்லுநர்களிடம் ஒப்படைத்து அதன் காரணம் என்ன வென்று தெரிந்து கொள்ள முன்வந்தார்.
பஷீரிடம் பண்ணை தொழிலாளராக வேலை பார்க்கும் ஜமாலுதீன் அப்துல் சமத் என்பவர் மூலமாகத் தனது பண்ணையில் உள்ள ஆட்டிற்குக் குழந்தை வடிவில் ஒரு ஆட்டுக் குட்டி பிறந்துள்ளது தெரியவந்ததாக பத்திரிக்கையாளர்களிடம் பஷீர் தெரிவித்துள்ளார்.
அப்துல் தனக்கு தகவல் தெரிவித்தவுடன் அங்குச் சென்று அந்தக் குட்டியை பார்த்தபோது அதன் முகம், மூக்கு, கால்கள் போன்றவை அனைத்தும் குழந்தைபோலவும், உடல் முழுவதும் பஞ்சு போல மென்மையாக இருந்ததாகவும் கூறினார்.
அந்தக் குட்டி ஆடு இறந்ததற்குக் காரணம் என்னவென்று கேட்கும்பொழுது பஷீர், அந்தக் குட்டியின் தாய் தன் காலால் மிதித்ததன் காரணமாக இறந்துவிட்டதாகக் கூறியுள்ளார்.
ஹாலிவுட் நடிகர் வில் ஸ்மித் பகிர்ந்த சத்குருவின் புகைப்படம்!
விநாயகர் சதுர்த்தியை முன்னிட்டு கோவை வடக்கு மாவட்ட திமுக சிறுபான்மை அணி தலைவர் ஆரோக்கிய ஜான் அன்னதானம்.
கோவை மருத்துவர் டாக்டர் R பாலமுருகனுக்கு மருத்துவ நட்சத்திரம் சிறப்பு விருது
கொடிசியா அருகில் குறைந்த விலையில் “டெல்டா சிட்டி” அடுக்குமாடி குடியிருப்பு திட்டம் திட்டம் துவக்கம்
ஸ்கோடா ஆட்டோ இந்தியா அறிமுகப்படுத்தும் ஆல்-நியூ ஸ்லேவியா மாண்டே கார்லோ
புத்ரி திட்டத்தின் 10வது உத்தியோக உற்சவம்: 400க்கும் மேற்பட்ட மாணவிகளுக்கு தொழில் வழிகாட்டுதல்
For English News
