January 8, 2023 
தண்டோரா குழு
விஜய் அஜித் இருவருமே சூப்பர் ஸ்டார் தான். ஆனால் சூப்பர் ஸ்டார் என்ற பட்டம் ரஜினிகாந்துக்கே வழங்கப்பட்டது. கோவை தனியார் கல்லூரியில் நடைபெற்ற நிகழ்ச்சியில் செய்தியாளர்களை சந்தித்த நடிகர் மோகன் கூறியுள்ளார்.
திருமலையாம் பகுதியில் நேரு கலை மற்றும் அறிவியல் கல்லூரியில் அதிநவீன தொழில்நுட்பம் கொண்ட சிறிய ரக திரையரங்க திறப்பு விழாவில் நடிகர் மோகன் கலந்து கொண்டார்.
முன்னதாக செய்தியாளர்களை சந்தித்த அவர்,
காட்சி தொடர்பியல் மாணவர்களுக்கு மல்டிபிளக்ஸ் தியேட்டர் கொண்டு வந்துள்ளது மகிழ்ச்சியளிக்கிறது.கல்லூரி வளாகத்தில் மல்டிபிளக்ஸ் தியேட்டர் என்பது இந்தியாவிலேயே முதல்முறை என்பது பாராட்டுக்குரியது.
துணிவு, வாரிசு எதற்கு முதல் டிக்கெட் கிடைக்கிறதோ அதை பார்ப்பேன்.விஜய், அஜித் இருவரும் சூப்பர் ஸ்டார்கள் தான். ஆனால் பட்டம் என்றால் அது ரஜினிக்கு தான்.
படத்தின் வெற்றி இயக்கத்தின் கையில் தான் இருக்கிறது. படத்தின் கதை நன்றாக இருந்தால் நடிப்பேன். கதை இயக்கம் பிடித்தால் மட்டும் தான் படம் பண்னுவேன். துணிவு வாரிசு இரண்டு படமும் பார்கிறேன். ரஜினி சார் சார் தான் சூப்பர் ஸ்டார் – அந்த பட்டம் அவருக்கு கொடுக்கப்பட்டது என்றார்.
For English News
