March 16, 2017 
தண்டோரா குழு
தமிழகத்தின் 2017-18ம் ஆண்டுக்கான பட்ஜெட் உரையை ஒரு மணி நேரத்துக்கும் மேலாக படித்துக் கொண்டிருந்த அமைச்சர் டி.ஜெயகுமார் திடீரென்று குறிப்பிட்ட கட்டத்தில் வேகமாக உரையைப் படித்தார். அப்போது, குறிப்பிட்ட இடத்தில் நிறுத்தி, “வேகமாகப் படிக்கிறேனா… “ என்று கேட்டுவிட்டு, “வேகமாக வாசிக்கவா, நிதானமாகப் படிக்கவா…” என்று கேட்டார்.
அப்போது, எதிர் தரப்பில் அமர்ந்திருந்த உறுப்பினர்கள் கேட்டதை அடுத்து, முந்தைய வேகத்தை விடக் கூடுதலான வேகத்துடன் பட்ஜெட் உரையின் சில பகுதிகளைப் படித்தார் அமைச்சர்.
இடைவிடாமல் உரையின் குறிப்பிட்ட சில பகுதிகளை அவர் படித்து முடித்ததும் ஆளும் தரப்பில் இருந்தோர் மேஜையைத் தட்டி ஆரவாரம் செய்தனர்.
இடையில் பேசிய அமைச்சர், “சுவாரஸ்யமாக இருப்பதற்காக இப்படி படித்தேன்…” என்று கூறியதும் அவையில் அனைத்து உறுப்பினர்களும் சிரித்தனர்.தொடர்ந்து பட்ஜெட் உரையை சாதாரண வேகத்துடன் அவர் படித்து முடித்தார்.
For English News
