December 8, 2021 
தண்டோரா குழு
கோவை மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மூலமாக வேலைவாய்ப்பற்ற இளைஞர்களுக்கு வேலைவாய்ப்பு முகாம் வரும் 18ம் தேதி காலை 9 மணிக்கு கோவை ஈச்சனாரியில் உள்ள ரத்தினம் கலை மற்றும் அறிவியல் கல்லூரியில் நடை பெறவுள்ளது.
இது குறித்து கோவை மாவட்ட ஆட்சியர் சமீரன் வெளியிட்ட அறிக்கையில்,
‘‘இந்த தனியார்துறை வேலைவாய்ப்பு முகாமில் உற்பத்தி துறை, ஜவுளித்துறை, இன்ஜினியரிங், கட்டுமானம், ஐ.டி துறை ஆட் மொபைல்ஸ், விற்பனைத்துறை. மருத்துவம் சார்ந்த தனியார் துறைகள் உள்ளிட்ட 150க்கும் மேற்பட்ட முன்னணி நிறுவனங்கள் கலந்து கொண்டு 5 ஆயிரத்திற்க்கும் மேற்பட்ட பணிக்காலியிடங்களுக்கு ஆட்களை தேர்வு செய்ய உள்ளனர்.
இம்முகாமிற்கு வரும் அனைத்து வேலைவாய்ப்பற்ற இளைஞர்களும் தங்களது பயோ டேட்டா மற்றும் கல்விச்சான்றுகளின் நகல்களுடன் கலந்துகொண்டு வேலைவாய்ப்பு பெறலாம். இம்முகாமில் கலந்து கொள்ள வயது வரம்பு இல்லை. இம்முகாமில் கலந்து கொள்ள விரும்பும் தனியார் நிறுவனங்கள் மற்றும் வேலை தேடும் மனுதாரர்கள் www.tnprivatejobs.tn.gov.in என்ற இணையதளத்தில் விவரங்களை பதிவு செய்ய வேண்டும்.
மேலும் விவரங்களுக்கு 94990 55938 என்ற எண்ணைத் தொடர்பு கொள்ளலாம்.
இவ்வாறு அதில் தெரிவிக்கப்பட்டுள்ளது.
For English News
