July 24, 2017 
தண்டோரா குழு
சீனா ஷாங்காய் நகரிலுள்ள ஷாப்பிங் மாலில் ஆண்கள் இளைப்பாற பிரத்தியேக இடம் ஒன்று உருவாக்கப்பட்டுள்ளது.
சீனாவிலுள்ள ஷாங்காய் குளோபல் ஹார்பர் ஷாப்பிங் சென்டரில் மனைவி ஷாப்பிங் முடித்துவிட்டு வரும் வரை ஆண்கள் ஒரு அறையில் அமர்ந்து ஓய்வெடுக்க தனியாக பிரத்தியோக அறை ஒன்று உருவாக்கப்பட்டுள்ளது.
அந்த அறைக்கு “Husband Storage Pod” என்று பெயர் சூட்டப்பட்டுள்ளது. அந்த அறையில் தொலைக்காட்சி, மசாஜ் நாற்காலி மற்றும் 199௦-களில் விளையாடப்பட்ட ரெட்ரோ காணொளி விளையாட்டுகளை விளையாட வசதியும் உண்டு.
அந்த அறையை அரை மணிநேரம் பயன்படுத்த 2௦ யூ அன் (3 டாலர்) மற்றும் ஒரு மணிநேரத்திற்கு 3௦ யூஅன் (4 டாலர்) கட்டணம் செலுத்த வேண்டும். ஷாப்பிங் மாலில் இது போன்ற அறை இருப்பது பலருக்கு மகிழ்ச்சியாக இல்லை. தனியாக ஷாப்பிங் செய்வது மகிழ்ச்சியை தருவதில்லை என்று சிலர் தெரிவித்துள்ளனர்.
விரைவில் அந்த அறையை சுற்றி திரைச்சீலைகள், குளிர்சாதங்கள் மற்றும் ஹெட்செட்ஸ் அமைக்கப்படும் என்று அந்த மாலின் அதிகாரிகள் தெரிவித்துள்ளனர்.
For English News
