May 5, 2017 
தண்டோரா குழு
ஊதிய ஒப்பந்தம் உள்ளிட்ட கோரிக்கைகளை வலியுறுத்தி வரும் 15-ம் தேதி முதல் காலவரையற்ற வேலை நிறுத்தத்தில் ஈடுபடப் போவதாக போக்குவரத்து தொழிற்சங்க கூட்டமைப்பு அறிவித்துள்ளது.
இது குறித்து போக்குவரத்து தொழிற்சங்க கூட்டமைப்பு வெளியிட்டுள்ள அறிவிப்பில்,
“ஊதிய ஒப்பந்தத்தை முறைப்படுத்துவது உள்ளிட்ட கோரிக்கைகளை வலியுறுத்தி வரும் 15-ம் தேதி முதல் காலவரையற்ற வேலை நிறுத்தப் போராட்டத்தில் ஈடுபட முடிவு செய்யப்பட்டுள்ளது.
தொழிலாளர்களை போராட்டத்திற்கு தயார்படுத்தும் வகையில் வரும் 9-ம் தேதி அனைத்து மண்டல தலைமையகங்களிலும் வாயிற்கூட்டம் நடத்தப்படும். போக்குவரத்து தொழிலாளர்களின் இப்போராட்டத்தால் 90 சதவிகித பேருந்துகள் இயங்காது.
போக்குரவரத்து தொழிலாளர்களின் நியாயமான கோரிக்கைகளை மக்களுக்கு தெளிவுபடுத்தும் வகையில் வரும் 11 மற்றும் 12-ம் தேதிகளில் மக்கள் சந்திப்பு இயக்கம் நடத்த முடிவு, ” என்று அறிவிப்பு வெளியாகியுள்ளது.
For English News
