October 23, 2024 
தண்டோரா குழு
அனோகா 2024,அம்ருதா விஸ்வ வித்யாபீடம்,கோயம்புத்தூர் வளாகத்தின் தேசிய டெக்பெஸ்ட்,அதன் 12-வது பதிப்பை அக்டோபர் 19, 2024 அன்று நிறைவு செய்தது. அக்டோபர் 17-19 வரை நடைபெற்ற இந்நிகழ்வு, இந்தியா முழுவதும் உள்ள மாணவர்கள் தொழில்நுட்ப நடவடிக்கைகளில் ஈடுபடுவதற்கும், மேம்படுவதற்கும் ஓர் நல்வாய்ப்பாக அமைந்தது.
அனோகா 2024, ஐ.நா.வின் நிலையான வளர்ச்சி இலக்குகளுடன் (SDGs) இணைந்த 50-க்கும் மேற்பட்ட திட்டங்களைக் காட்சிப்படுத்தும் ஓர் டெக்பேர் மற்றும் கண்காட்சியை உள்ளடக்கியது. குறிப்பிடத்தக்க திட்டங்களில் சேப் ஸ்டெப், பார்வையற்றோருக்கான செயற்கை நுண்ணறிவால் இயக்கப்படும் உதவி அமைப்பு ஆகியவை இவற்றுள் அடங்கும். இது பார்வை அடிப்படையிலான வழிசெலுத்தல் மற்றும் மருத்துவ விநியோகத்தில் அதன் பயன்பாடுகளுக்காக முதல் பரிசை வென்றது.
விண்வெளி பொறியியல் துறையைச் சேர்ந்த மாணவர்களால் வடிவமைக்கப்பட்ட, குவாட்காப்டர் குழுமம் ட்ரோன்கள் மற்றும் நிலையான இறக்கை விமானங்களின் புதுமையான பயன்பாடுகளை எடுத்துக்காட்டுகிறது.டெக்பேர் 300 பள்ளி மாணவர்கள் உட்பட 3000 பார்வையாளர்களை ஈர்த்தது மட்டுமல்லாது வெற்றியாளர்களுக்கு ₹1 லட்சம் பரிசுத் தொகையை வழங்கியது.
பொறியியல்,கம்ப்யூட்டிங், கலை மற்றும் விவசாயம் உள்ளிட்ட பல்வேறு துறைகளில் பட்டறைகள் மற்றும் தொழில்நுட்ப நிகழ்வுகளுக்காக தென்னிந்தியா முழுவதும் உள்ள பல்கலைக்கழகங்கள் மற்றும் கல்லூரிகளில் இருந்து சுமார் 6111 மாணவர் பதிவுகளை டெக்பெஸ்ட் பதிவு செய்தது. பங்கேற்பாளர்கள் 55 தொழில்நுட்ப நிகழ்வுகளில் போட்டியிட்டனர், மொத்தப் பரிசுத்தொகை ₹10 லட்சமாகும்.
பிரபலமான நிகழ்வுகளில் ரக்னாரோக், கேமிங் போட்டி,செனான்,மற்றும் சுமோ போட்கள் ஆகியவை அடங்கும்.அங்கு இரண்டு ரோபோக்கள் சுமோ பாணி போட்டிகளில் போட்டியிட்டன. டெக்ட்ராக் த்ரில்லர்: தி ரோபோ ரேசர் மற்றும் மைக்ரோமௌஸ் போன்ற பிற நிகழ்வுகள் மாணவர்களின் ரோபோட்டிக்ஸில் திறமைகளை வெளிப்படுத்தின,அதே சமயம் ஈகோஸ்ட்ரக்டுரா மூங்கில் சறுக்குகளைக் கொண்டு கட்டிடங்களைக் கட்டுவதில் பங்கேற்பாளர்களை ஈடுபடுத்தியது.
கூகுள்,ஷெல்,ஐபிஎம் மற்றும் போஷ் குளோபல் சாப்ட்வேர் டெக்னாலஜிஸ் உள்ளிட்ட தொழில்துறை தலைவர்கள் தலைமையில் ஜெனரேட்டிவ் ஏஐ, ரோபோடிக்ஸ், எலக்ட்ரிக் வாகனங்கள் (ஈவி), பிளாக்செயின் மற்றும் குவாண்டம் கம்ப்யூட்டிங் போன்ற பகுதிகளில் 35-க்கும் மேற்பட்ட பட்டறைகள் நடத்தப்பட்டன. இந்த பட்டறைகள் வளர்ந்து வரும் தொழில்நுட்பங்களில் நடைமுறை அனுபவத்தை மாணவர்களுக்கு வழங்கின.
அனோகா லுமியர் பேச்சுத் தொடரில், இந்திய இரயில்வேயில் பொறியியல் சிறப்பைப் பற்றி சுதன்ஷு மணி கூறினார். தலைமை மற்றும் பின்னடைவு பற்றிய நுண்ணறிவை மேஜர் தீபக் ஐயர் போன்ற பேச்சாளர்கள் இடம்பெற்றனர். சமூக மாற்றத்தில் கலை மற்றும் ஊடகங்களின் பங்கு குறித்து கல்கி சுப்பிரமணியம் உரையாற்றினார்.
ராகசுதா மற்றும் நாட்டியசுதா சங்கங்களின் நிகழ்ச்சிகளைத் தொடர்ந்து, கீபோர்டிஸ்ட் ஸ்டீபன் தேவஸ்ஸி மற்றும் பின்னணிப் பாடகர் சத்யபிரகாஷ் தர்மர் ஆகியோர் பங்கேற்ற கலைநிகழ்ச்சி இடம்பெற்றது.
அனோகா 2024 ஐசிஐசிஐ வங்கி, தனலக்ஷ்மி வங்கி, ப்ராமினன்ஸ், எஸ்பிஐ மற்றும் இன்ஸ்டிடியூஷன் ஆஃப் எலக்ட்ரானிக்ஸ் & டெலிகம்யூனிகேஷன் இன்ஜினியர்ஸ், (ஐஇடிஇ) கோயம்புத்தூர் மையம் ஆகியவற்றால் ஆதரிக்கப்பட்டது.
ஏற்பாட்டுக் குழுவில் ஆசிரிய ஒருங்கிணைப்பாளர்கள் எம்.ஸ்ரீவல்சன் மற்றும் டாக்டர் பிரசாந்த் ஆர்.நாயர், மெகுல் சர்மா மற்றும் திரு. திலீப் பரசு உட்பட 30 ஆசிரியர்கள் மற்றும் 500-க்கும் மேற்பட்ட மாணவர் தன்னார்வலர்கள் இடம்பெற்றனர்.
For English News
