December 7, 2017 
தண்டோரா குழு
ஆதார் எண்ணுடன் பான் எண்ணை இணைப்பதற்கான காலக் கெடுவை மார்ச் 31-ஆம் தேதி வரை நீட்டிப்பதாக மத்திய அரசு தெரிவித்துள்ளது.
போலி பான் கார்டுகளை ஒழித்து பினாமி சொத்துக்களை தடுக்கும் விதமாக ஆதார்-பான் எண்கள் இணைக்கப்பட வேண்டும் என மத்திய அரசு அறிவித்தது. இதற்காக மத்திய அரசு காலக்கெடுவும் நீட்டித்தது.
ஏற்கனவே டிசம்பர் 31-ஆம் தேதி வரை அதற்கான அவகாசம் வழங்கப்பட்டுள்ள நிலையில், தற்போது மேலும் 3 மாதங்களுக்கு அவகாசத்தை நீட்டிப்பதாக உச்சநீதிமன்றத்தில் மத்திய அரசு தெரிவித்துள்ளது.உச்சநீதிமன்றத்தில் மத்திய அரசு வழக்கறிஞர் கே.கே.வேணுகோபால் இதனைத் தெரிவித்தார்.
பாப் அப் பிளாக்கர் நீக்கப்பட்ட கணினி அல்லது மொபைல்களில் income tax e filing இணையதளத்திற்குள் சென்று ஆதார் எண்ணையும், பான் எண்ணையும் பதிவிட்டால், ஒரு முறை பாஸ்வேர்ட் மூலம் எளிமையாக ஆதார்-பான் எண்களை இணைக்கலாம் என ஏற்கெனவே அறிவுறுத்தப்பட்டுள்ளது என்பது குறிப்பிடத்தக்கது.
For English News
