August 1, 2016 
தண்டோரா குழு
அகமதாபாத்திலுள்ள ஹேம்சந்திரசார்ய சான்ஸ்கிரிட் பத்ஷலா எனும் குருகுலப் பள்ளியில் பயிலும் துஷார் டலவட் என்னும் 14 வயது மாணவன் சர்வதேச அளவில் நடைபெற்ற கணித போட்டியில் வெற்றி பெற்றது, குருகுலவாசத்தின் புகழ் இன்னும் குன்றவில்லை என்பதற்கு ஓர் சிறந்த எடுத்துக்காட்டு.
இந்தப் போட்டி இந்தோனேசியாவின் யொக்யகர்டாவில் ஜூலை24ம் தேதி அபாகஸ் லேனிங்க் ஆஃ ஹையர் அரித்மெடிக் இன்டெர்னேஷனல் (ALOHA) என்ற அமைப்பால் நடத்தப்பட்டது. 18 தேசத்தைச் சேர்ந்த 1,300 மாணவர்கள் இப்போட்டியில் பங்கேற்றனர்.
கடுமையான போட்டிகளையும் தாண்டி வென்ற துஷார் பா.ஜ.க சட்டமன்ற உறுப்பினர் மனொஜ் டிவாரி கலந்து கொண்ட நிகழ்ச்சியில் பத்திரிகையாளர்களிடம் தனது வேகமாகக் கணக்கிடும் திறமையை நிரூபித்துக் காட்டியுள்ளார்.
கடந்த வருடம் அக்டோபர் மாதம் குஜராத்தில் நடைபெற்ற போட்டியில் 70 கேள்விகளுக்கான விடையை 3 நிமிடம் 30 நொடியில் அளித்து 5,300 போட்டியாளர்களைத் தோற்கடித்துள்ளார்.
இவரது சாதனை மொத்த நாட்டை மட்டுமின்றி, குருகுலவாசக் கல்வி முறையையும் பெருமைப்படுத்தியுள்ளது என்று RSS உடன் இணைந்த BSM (பாரதீய ஷிக்ஷன் மண்டல்) அமைப்பின் துணைச் செயலர் முகுல் கனிட்கர் தெரிவித்துள்ளார். மேலும் தொன்மை மிக்க வேத கணிதம் இம் மாணவனின் சாதனை மூலம் மீண்டும் உலகளவில் பிரகாசித்துள்ளது என்றும் கூறினார்.
குருகுலவாசக் கல்வியில் தற்போது வரை எந்தவிதமான பட்டச் சான்றிதழ்களும் வழங்கப்படுவதில்லை. சில வருடங்களுக்குப் பிறகு அவை அமுல் படுத்தப்படலாம். ஆனால் இங்குப் பயிலும் மாணவர்கள் தேசிய திறந்த வெளிப் பாடசாலைகளின் மூலம் தேர்வு எழுதி பட்டங்கள் பெறலாம் என்றும் தெளிவுபடுத்தினார்.
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
For English News
