January 19, 2018 
தண்டோரா குழு
ஆண்டாள் குறித்து கவிஞர் வைரமுத்து கூறியதில் தவறு இருப்பதாக தெரியவில்லை என சென்னை உயர்நீதிமன்றம் தெரிவித்துள்ளது.
விருதுநகர் மாவட்டம் ராஜபாளையத்தில் நடந்த நிகழ்ச்சியில் ஆண்டாள் குறித்து கவிஞர் வைரமுத்து தவறான கருத்து தெரிவித்தாக சர்ச்சை கிளம்பியது. இதையடுத்து பல்வேறு இந்து அமைப்புகள் அவருக்கு எதிராக போர்க்கொடி தூக்கினர்.
ஆண்டாள் குறித்து தான் பேசியது யாரையேனும் புண்படுத்தியிருந்தால் மன்னிப்பு கேட்டுக் கொள்வதாக வைரமுத்து தெரிவித்தும், வைரமுத்துவுக்கு எதிராக போராட்டங்கள் தொடர்ந்து வந்தது.
இந்நிலையில் ஆண்டாள் குறித்து சர்ச்சை கருத்தை வெளியிட்ட கவிஞர் வைரமுத்து மீது வழக்குப்பதிவு செய்யப்பட்டது.
இதையடுத்தது தன்மீதான வழக்கை ரத்து செய்யக்கோரி சென்னை உயர்நீதிமன்றத்தில் வைரமுத்து மனுத்தாக்கல் செய்தார்.இம்மனு மீதான விசாரணை இன்று நடைப்பெற்றது.இவ்வழக்கை விசாரித்த நீதிமன்றம், வைரமுத்து கூறிய கருத்தில் தவறு இருப்பதாக தெரியவில்லை என்றும் ஆராய்ச்சியாளரின் கட்டுரையைத்தான் மேற்கோள் காட்டியதாகவும் தெரிவித்தனர்.
For English News
