July 26, 2016 
தண்டோரா குழு
கடந்தாண்டு நவம்பர் 6ம் தேதி திருப்பூரில் நடைபெற்ற பொதுக்கூட்டத்தில் தமிழக முதல்வர் ஜெயலலிதாவைப் பற்றி தே.மு.தி.க நிறுவனத் தலைவர் விஜயகாந்த் மற்றும் அவரது மனைவி பிரேமலதா ஆகியோர் தரக்குறைவாகப் பேசினார்.
இதையடுத்து அவர்கள் மீது திருப்பூர் நீதிமன்றத்தில் அவதூறு வழக்கு போடப்பட்டது. இதை விசாரித்த நீதிபதி வழக்கு தொடர்பான விசாரணைக்கு அவர்கள் நேரில் ஆஜராகவேண்டும் என உத்தரவிட்டார்.
அடுத்தடுத்து நான்கு முறை அவர்கள் நேரில் ஆஜராகாததால் இன்று நடைபெற்ற விசாரணையின் பொது அவர்கள் இருவருக்கும் பிடிவாரன்ட் பிறப்பித்து நீதிபதி உத்தரவிட்டார். இதனால் நீதிமன்ற வளாகத்தில் பரபரப்பு நிலவியது.
ஆனால் பிடிவாரன்ட் என்பது அவர்கள் இருவருக்கும் ஒன்றும் புதிதில்லை என்பது குறிப்பிடத்தக்கது. 2012ம் ஆண்டு ஆகஸ்ட் மாதம் விழுப்புரத்தில் முதல்வரை அவதூறாகப் பேசியதற்குப் போடப்பட்ட வழக்கில் ஆஜராகாமல் இருந்ததால் பிடிவாரன்ட் பிறப்பிக்கப்பட்டது.
அதே ஆண்டு அதே மாதம் தஞ்சை நீதிமன்றத்திலும் பிடிவாரன்ட் பிறப்பிக்கப்பட்டது. மேலும் கடந்த ஏப்ரல் மாதம் நடைபெற்ற கூட்டத்தில் பேசிய பிரேமலதா மீது போடப்பட்ட அவதூறு வழக்கில் அவர் ஆஜராகாததையடுத்து அவருக்கும் பிடிவாரன்ட் பிறப்பிக்கப்பட்டது குறிப்பிடத்தக்கது.
அடுத்தடுத்து இருவரும் மாறி மாறி பிடிவாரன்ட் வாங்கிவருவது தே.மு.தி.கவினரிடையே கலக்கத்தை ஏற்படுத்தியுள்ளது.
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
ஸ்ரீ நாராயண குரு கல்லூரியின் சார்பில் ஓணம் பண்டிகை கோலாகலமாக கொண்டாடப்பட்டது
யோகா மனித வளர்ச்சிக்கான சக்திவாய்ந்த தொழில்நுட்பம்; விளையாட்டுப் போட்டிக்கானது அல்ல! – சத்குரு
For English News
