July 26, 2016 
தண்டோரா குழு
தன்னுடைய செய்கையால் அடிக்கடி சர்ச்சையில் மாட்டிக்கொள்ளும் யோகா ராம் தேவ் பாபா தற்போது ஒரு புதிய முயற்சியில் இறங்கி உள்ளார்.
யோகா குருவான பாபா ராம்தேவ் பிரதமர் மோடியின் திட்டங்களை பிரபலப்படுத்தும் விதமாக நடைபெற்ற கால்பந்து போட்டியில் கலந்துகொண்டு ஊக்கத்தை ஏற்படுத்தினார்.
இந்திய பிரதமர் நரேந்திர மோடியின் “தூய்மை இந்தியா” மற்றும் “பெண் குழந்தைகள் பாதுகாப்பு” ஆகிய இரு திட்டங்களை குறித்த விழிப்புணர்வை ஏற்படுத்துவதற்காக, இந்திய தேசத்தின் தலைநகரான புது டில்லியில் உள்ள நேரு மைதானத்தில் கால்பந்து போட்டி ஒன்று நடத்தப்பட்டது.
இதில் என்ன விசேஷம் என்றால், கனரக தொழில் மற்றும் பொதுத்துறை நிறுவனங்கள் துறை இணை அமைச்சர் பபுள் சுப்ரியோ, எம்பிக்கள் அணியைத் தலைமை தாங்கினார் மற்றும் பாலிவுட் நட்சத்திரங்கள் அணியின் கேப்டனாக அபிஷேக் பச்சன் இருந்தார். மேலும் அந்த அணியில் ரன்பீர் கபூர், டினோ மோரியா மற்றும் ஷப்பிர் அஹ்லுவாலியா ஆகியோர் விளையாடினர்.
இதில் எம்பிக்கள் அணிக்காக யோகா குரு ராம்தேவ் கால் பந்து விளையாடி அசத்தினார். அசால்டாக இவர் விளையாடியது நன்கு தேர்ச்சி பெற்ற விளையாட்டு வீரர் அளவுக்கு இருந்ததால் பார்வையாளர்கள் அதிசயித்து மகிழ்ச்சி கரகோஷம் எழுப்பினர்.
தான் எதிர் அணியில் விளையாடுகிறேன். நாம் இந்திய தேசத்திற்காக விளையாடுகிறோம் என்று இளைஞர்கள் அணியிடம் தெரிவித்ததாகவும் நீண்ட வாழ்க்கைக்காகப் பதஞ்சலி பொருட்களைத் தருவதாக நடுவரிடம் சத்தியம் செய்தேன் என்று எம்பிக்கள் அணித் தலைவர் பபுள் சுப்ரியோ தெரிவித்தார்.
மேலும், போட்டியின் முடிவில், பாலிவுட் நட்சத்திர அணி 10-0 கோல் கணக்கில் போட்டியை வென்றது. மேலும், வீரர்களுக்குத் தனது பதஞ்சலி நிறுவனத்தின் சார்பில் தயாரிக்கப்பட்ட பானங்களை ராம்தேவ் பாபா வழங்கினார் என்பது குறிப்பிடத்தக்கது.
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
ஸ்ரீ நாராயண குரு கல்லூரியின் சார்பில் ஓணம் பண்டிகை கோலாகலமாக கொண்டாடப்பட்டது
யோகா மனித வளர்ச்சிக்கான சக்திவாய்ந்த தொழில்நுட்பம்; விளையாட்டுப் போட்டிக்கானது அல்ல! – சத்குரு
For English News
