June 8, 2016 
தண்டோரா குழு.
அமெரிக்காவின் ரிபப்பிளிக்கன் கட்சி ஜனாதிபதி வேட்பாளர் டொலான்ட் ட்ரம்ப் விந்தையாகவும் வில்லங்கமாகவும் பேசுவதில் வல்லவர். முஸ்லீம்களுக்கு அமெரிக்காவில் இடமில்லை என்றும், சீன அரசு அமெரிக்க மக்களின் வேலை வாய்ப்பையும், அமெரிக்க அரசின் லாபத்தையும், தட்டிப் பறிக்கிறது என்றும் ஒவ்வொரு கூட்டத்திலும் குற்றஞ்சாட்டிப் பேசிவருகிறார்.
இந்தக் குற்றச்சாட்டினால் கோபமடைந்த சீன மக்கள் ட்ரம்ப்பை இழிவுப் படுத்தும் விதமாக அவரின் பல வகையான உருவப்படங்களைக் கழிவறையில் உபயோகிக்கும் காகிதத்தில் அச்சடித்து இணைய தளத்தில் விற்பனை செய்ய ஆரம்பித்துள்ளனர்.
69 வயது பலம் வாய்ந்த தொழிலதிபரான ட்ரம்ப்பின் சிரித்த முகம், கோபமான முகம், கோணங்கித்தனமான முகம், போன்ற பல முகங்கள் கழிப்பறைகளில் மிதிபட வேண்டும் என்பது அவர்களின் நோக்கம்.
வாடிக்கையாளர்கள் தங்கள் விருப்பப்படி எந்த முகத்தை வேண்டுமானாலும் தேர்வு செய்து கொள்ளலாம்.
70 வர்த்தக நிறுவனங்கள் வியாபாரத்தில் ஈடுபட்டிருக்கும் அலிபாபா மையத்தின் மூலம் ஆயிரக்கணக்கான சுருள்கள் அமெரிக்க பிரஜைகளாலேயே வாங்கப்படுகிறது.
மக்கள் அச்சுருளைக் கேவலமாக உபயோகப் படுத்தாவிட்டாலும் கூட இணைய தளத்திலிருந்து வாங்குவதில் ஆர்வம் காட்டுகின்றனர். 50 தேவைப் பட்டியலின் படி கிட்டத்தட்ட 5,000 சுருள்களுக்குப் பதிவு செய்யப்பட்டுள்ளது. கடந்த பிப்ரவரி மாதம் முதல் இச்சுருள்கள் அமோகமாக விற்கப்படுகிறது என குங்டோ வெல் பேப்பர் இண்டஸ்ரியல் கம்பெனி தெரிவித்துள்ளது.
இப்பேப்பர்கள் 50 அமெரிக்க சென்ட்களுக்கு விற்கப்படுகின்றன. இ-பேயிலோ அல்லது அமேசானிலோ வாங்கினால் 30 அமெரிக்க சென்ட்க்கு வாங்கலாம்.
அமெரிக்க, பெண்கள் கால்பந்து அணியின் உறுப்பினரான சிட்னி லாரக்ஸ், ட்ரம்பின் உருவப்பட டாய்லெட் காகிதத்தை வாங்குவதில் முதன்மையானவர். உருவப்படம் மிக நேர்த்தியாக உள்ளது என்றும் சிலாகித்துள்ளார்.
சில நாட்களுக்கு முன்பு இதே போல் அமெரிக்க அதிபர் பாரக் ஒமாவின் உருவப்படம் ரஷியாவில் இழிவு செய்யப்பட்டது நினைவிருக்கலாம்.
ஹாலிவுட் நடிகர் வில் ஸ்மித் பகிர்ந்த சத்குருவின் புகைப்படம்!
விநாயகர் சதுர்த்தியை முன்னிட்டு கோவை வடக்கு மாவட்ட திமுக சிறுபான்மை அணி தலைவர் ஆரோக்கிய ஜான் அன்னதானம்.
கோவை மருத்துவர் டாக்டர் R பாலமுருகனுக்கு மருத்துவ நட்சத்திரம் சிறப்பு விருது
கொடிசியா அருகில் குறைந்த விலையில் “டெல்டா சிட்டி” அடுக்குமாடி குடியிருப்பு திட்டம் திட்டம் துவக்கம்
ஸ்கோடா ஆட்டோ இந்தியா அறிமுகப்படுத்தும் ஆல்-நியூ ஸ்லேவியா மாண்டே கார்லோ
புத்ரி திட்டத்தின் 10வது உத்தியோக உற்சவம்: 400க்கும் மேற்பட்ட மாணவிகளுக்கு தொழில் வழிகாட்டுதல்
For English News
