January 12, 2018 
தண்டோரா குழு
கோவையில் ரஜினி மன்றத்தில் பொதுமக்களை இணைப்பதற்கான துவக்கமாக ரஜினி ரசிகர்கள் சார்பாக இன்று(ஜன 12) விண்ணப்பங்கள் வழங்கப்பட்டது.
நடிகர் ரஜினிகாந்த் அண்மையில் அரசியலில் களமிறங்குவதாக அறிவித்துவிட்டதை தொடர்ந்து, தனது ரசிகர்கள் மற்றும் மன்றங்களை ஒருங்கிணைக்க ரஜினி மன்றம் என்ற பெயரில் புதிய இணையதளம் ஒன்றை துவக்கி உள்ளார். இதில் ஏராளமான ரசிகர்கள் தங்களை இணைத்து வருகின்றனர்.
இந்நிலையில் கோவை மாவட்டத்தில் உறுப்பினர்களை சேர்ப்பதற்கான விண்ணப்பம் இன்று ரஜினி ரசிகர்கள் சார்பாக வழங்கப்பட்டது.கோவை கோணியம்மன் கோவிலில் வைத்து சிறப்பு பூஜைகள் செய்யப்பட்டு பின்னர் கோவை மாநகர்,பொள்ளாச்சி, மேட்டுப்பாளையம், உள்ளிட்ட பல்வேறு பகுதிகளை சேர்ந்த ரசிகர் மன்ற நிர்வாகிகளிடம் விண்ணப்பங்கள் வழங்கப்பட்டன.இந்த விண்ணப்பங்களை கொண்டு அந்நதந்த பகுதிகளை சேர்ந்த ரசிகர்கள் மற்றும் பொதுமக்களை ரஜினி மன்றத்தில் இணைக்கப்படுவார்கள் என மாவட்ட நிர்வாகிகள் தெரிவித்தனர்.
For English News
