August 20, 2016 
தண்டோரா குழு
மாயமான ஏ.என்.32 விமானத்தைத் தேடும் பணியின் போது விமானத்தின் பாகங்கள் என்று சந்தேகிக்கப்படும் பொருள்கள் சிக்கியுள்ளதாக தகவல்கள் வெளியாகியுள்ளது.
29 பயணிகளுடன் புறப்பட்ட ஏ.என்.32 விமானம், சென்னை தாம்பரத்திலிருந்து அந்தமான் செல்லும் வழியில் கடந்த ஜூலை 22ம் தேதி மாயமானது.சென்னை தாம்பரத்திலிருந்து புறப்பட்ட 15வது நிமிடத்தில் அந்த விமானத்துடனான தொடர்புகள் துண்டிக்கப்பட்டது.
இதையடுத்து ஹெலிகாப்டர்கள், அதிநவீன நீர்மூழ்கி கப்பல்கள், உதவியுடன் விமானத்தைத் தேடும் பணி துரிதப்படுத்தப்பட்டது.ஆனால் விமானத்தைக் கண்டுபிடிக்கும் பணியில் முன்னேற்றம் ஏதும் ஏற்படவில்லை.
இந்நிலையில் இந்திய புவியியல் ஆய்வு துறையின் சாமுத்ரா ரத்னாகர் கப்பல், விமானத்தைத் தேடும் பணியில் ஆகஸ்ட் 8ம் தேதி களமிறக்கப்பட்டது.5 கிலோ மீட்டர் ஆழம் வரை ஸ்கேனிங் செய்யும் திறனுடைய இந்தக் கப்பல் விமானம் மாயமான இடம் என்று கருதப்படும் கடல் பகுதியில் நான்காயிரம் சதுர கிலோ மீட்டர் பரப்பளவில் தேடும் பணியை மேற்கொண்டது.
அப்போது விமானத்தின் உடைந்த பாகங்கள் போன்ற பொருட்கள் கண்டுபிடிக்கப் பட்டுள்ளதாக அதிகாரிகள் கூறியுள்ளனர்.மேலும் அவற்றை வெளியே எடுக்கும் முயற்சிகள் நடைபெற்று வருவதாக அவர்கள் தெரிவித்தனர்.
பாகங்கள் ஆய்வுக்கு உட்படுத்தப்பட்ட பின் அவை மாயமான ஏ.என்.32 விமானத்தின் பாகங்கள் தானா என உறுதியாகிவிடும் என அதிகாரிகள் தரப்பு தகவல்கள் தெரிவிக்கின்றன.இதன் மூலம் விமானத்தைத் தேடும் முயற்சியில் முன்னேற்றம் ஏற்பட்டுள்ளது.இதனிடையே சென்னை கடல் பகுதியிலிருந்து 270 கி.மீ. தொலைவில் சாகர் நிதி என்ற அதிநவீன கப்பலும் தேடுதல் பணியை மேற்கொண்டு வருவது குறிப்பிடத்தக்கது.
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
