August 22, 2016 
தண்டோரா குழு
கடந்த சில நாட்களாகவே மேட்டூர் அணையின் நீர் வரத்து தொடர்ந்து அதிகரித்து வருவது டெல்டா பகுதி விவசாயிகள் மத்தியில் மகிழ்ச்சியை ஏற்படுத்தியுள்ளது.
ஆண்டுதோறும் ஜூன் 12ம் தேதி டெல்டா பாசனத்திற்கு மேட்டூர் அணையில் இருந்து நீர் திறக்கப்பட்டு ஜனவரி மாதம் வரை நீர் கொடுப்பது வழக்கம்.நீர் இருப்பைப் பொருத்தும் விவசாயிகளின் கோரிக்கையைப் பொருத்தும் நீர் திறப்பு நாட்கள் அதிகப்படுத்தப்படும்.
ஆனால் கடந்த சில ஆண்டுகளாகவே கர்நாடகாவில் இருந்து வரும் நீரின் அளவு குறைந்ததை அடுத்து ஜூன் 12ம் தேதி நீர் திறக்கப்படவில்லை.இதனால் டெல்டா பகுதி விவசாயிகளின் குறுவை சாகுபடி என்பது கனவாகவே உள்ளது.இந்நிலையில் இந்தாண்டு இதுவரை நீர்வரத்து குறைவாகவே இருந்ததால் டெல்டாவிற்கு நீர் திறக்கப்படவில்லை.
இந்நிலையில் சுமார் 3,000 கன அடியாகவே நீடித்து வந்த நீர்வரத்து தற்போது அதிகரிக்கத் துவங்கியுள்ளது.இன்று காலை நிலவரப்படி அணைக்கு வினாடிக்கு சுமார் 8,000 கன அடி நீர் வந்துகொண்டிருந்தது.
அணையில் இருந்து குடிநீருக்காக 500 கன அடி நீர் வெளியேற்றப்பட்டு வருகிறது.இதனால் அணையின் நீர்மட்டம் வேகமாக உயரத்துவங்கியுள்ளது.நேற்று காலை நிலவரப்படி 65.48 அடியாக இருந்த நீர்மட்டம் இன்று காலை 66.26 அடியாக உயர்ந்துள்ளது.
இந்த நீர் வரத்து மேலும் அதிகரிக்க வாய்ப்புள்ளதாக பொதுப்பணித்துறை அதிகாரிகள் தெரிவித்துள்ளனர்.இதே நிலை நீடிக்கும் பட்சத்தில் அணையின் நீர் மட்டம் உயர்ந்து டெல்டா பாசனத்திற்கு நீர் திறக்கப்படும் என விவசாயிகள் நம்பிக்கையோடு எதிர்பார்த்துக் காத்திருக்கின்றனர்.
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
