June 27, 2016 
தண்டோரா குழு
இந்திய இளம் நீச்சல் வீராங்கனைக்கு ஆஸ்கர் நாயகன் ஏ.ஆர்.ரஹ்மான் தனது பாராட்டையும், ஆதரவைவும் தெரிவித்துள்ளார்.
ராஜஸ்தான் மாநிலம் உதய்பூரைச் சேர்ந்தவர் பக்திசர்மா(26). இவர் 2020ம் ஆண்டு ஜப்பான் தலைநகர் டோக்கியாவில் நடைபெறும் ஒலிம்பிக் போட்டிக்கு இந்தியா சார்பில் பங்கேற்கத் தகுதி பெற்றுள்ளார். பொதுவாக ஒலிம்பிக்கில் நடைபெறும் நீச்சல் போட்டியில் பங்கேற்க, திறந்த வெளியில் 10 கிலோமீட்டர் தூரம் நீச்சலடிக்க வேண்டும். இதற்காக பல்வேறு சர்வதேச போட்டிகளில் கலந்து கொண்டு பக்திசர்மா சாதனை படைத்துள்ளார்.
எளிமையான குடும்பத்தை சேர்ந்தவரான பக்திசர்மா தனது ஒலிம்பிக் கனவை நிறைவேற்ற, பயிற்சிக்கு நிதி திரட்டுவதற்காக “Fuel a dream” என்ற பெயரில் ஒரு இணையப் பக்கத்தை உருவாக்கியுள்ளார். அந்த இணையதள பக்கத்தில் தன்னுடைய பயிற்சிக்காக 2.30 லட்சம் ரூபாய் தேவைப்படுவதாகவும், இதற்கான நிதி திரட்டும் வேலையைக் கடந்த 13ம் தேதி முதல் தொடங்கியுள்ளதாகவும் அவர் கூறியுள்ளார். 12 நாட்களில் 1.18 லட்சம் ரூபாய் நிதி திரட்டப்பட்டுள்ளதாகவும், இன்னும் 76நாட்கள் மீதம் இருப்பதாகவும் அவர் தெரிவித்துள்ளார். சர்வதேச அளவிலான போட்டிகளில் கலந்து கொள்வது எளிதானதல்ல எனக் குறிப்பிட்டுள்ள பக்திசர்மா, பெண் விளையாட்டு வீரர்களுக்குப் பயிற்சிக்கான நிதி, முறையான பயிற்சி, ஸ்பான்சர் உள்ளிட்டவை கிடைப்பது மிகவும் சிரமமான ஒன்று என்றும் குறிப்பிட்டுள்ளார்.
இந்த நிலையில் இளம் நீச்சல் வீராங்கனை பக்திசர்மாவிற்கு புகழ்பெற்ற இசையமைப்பாளர் ஏ.ஆர்.ரஹ்மான் தனது பாராட்டுகளுடன், ஆதரவும் தெரிவித்துள்ளார். அதற்கு ஏ.ஆர்.ரஹ்மான் தனக்கு ஆதரவளித்தது மிகுந்த மகிழ்ச்சியளிப்பதாகப் பக்திசர்மா தனது பக்கத்தில் குறிப்பிட்டுள்ளார்.
இவர் கடந்த ஆண்டு ஜனவரி மாதம், அண்டார்டிக் பெருங்கடலில் 1 டிகிரி செல்சியல் வெப்பநிலையில், 2.28 கிலோமீட்டர் தொலைவை 41.14 நிமிடங்களில் கடந்து சாதனைப் படைத்துள்ளார் என்பது குறிப்பிடத்தக்கது.
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
ஸ்ரீ நாராயண குரு கல்லூரியின் சார்பில் ஓணம் பண்டிகை கோலாகலமாக கொண்டாடப்பட்டது
யோகா மனித வளர்ச்சிக்கான சக்திவாய்ந்த தொழில்நுட்பம்; விளையாட்டுப் போட்டிக்கானது அல்ல! – சத்குரு
For English News
