January 18, 2018 
தண்டோரா குழு
பிரதமர் மோடியும், அமித்ஷாவும் இந்து அல்ல யார் இந்து என்பதை பாரதிய ஜனதா முடிவு செய்ய முடியாது என நடிகர் பிரகாஷ்ராஜ் கூறியுள்ளார்.
ஐதராபாத்தில் இந்தியா டுடே சார்பில் நடைபெற்ற நிகழ்ச்சி ஒன்றில் நடிகர் பிரகாஷ்ராஜ் கலந்து கொண்டு பேசினார். அப்போது பேசிய அவர், எந்த திரைப்படமும் இந்துக்களுக்கு எதிரானது இல்லை. ஆனால், அவை இந்துகளுக்கு எதிரானதாக சித்தரிக்கப்படுகிறது.
கடந்த சில நாட்களுக்கு முன் பாஜகவை சேர்ந்த ஒருவர் நான் இந்துகளுக்கு எதிரானவன் எனக் கூறினார். நான் இந்து மதத்திற்கு எதிரானவன் அல்ல, மோடி, அமித்ஷா, ஹெக்டேவிற்கு எதிரானவன். என்னை இந்துக்களுக்கு எதிரானவன் என்று கூறும் அவர்கள் இந்துகளே இல்லை. பிரதமர் மோடியும், அமித்ஷாவும் இந்து அல்ல.யார் இந்து என்பதை பாரதிய ஜனதா முடிவு செய்ய முடியாது. இவ்வாறு அவர் பேசினார்.
For English News
