December 11, 2017 
தண்டோரா குழு
அகில இந்தியா காங்கிரஸ் கட்சியின் தலைவராக ராகுல் காந்தி தேர்ந்தெடுக்கப்பட்டுள்ளார்.
132 ஆண்டு கால வரலாற்றுடன் இந்தியாவின் பழமையான கட்சியாக திகழும் காங்கிரஸ் தலைவராக சோனியா காந்தி கடந்த 19 ஆண்டு காலமாக பதவி வகித்து வருகிறார்.
தற்போது அவரது உடல்நிலையில் பாதிப்பு உள்ளதால் ராகுல் காந்தியை தலைவராக்கும் முயற்சிகள் நடைபெற்றன.இதையடுத்து முறைப்படி காங்கிரஸ் கமிட்டியின் தலைவர் பதவிக்கான தேர்தல் அறிவிக்கப்பட்டது. இதில், ராகுல் காந்தி மனுத் தாக்கல் செய்தார். மேலும், பல மாநிலங்களைச் சேர்ந்த 89 பேரும் ராகுல் காந்திக்காக மனுத்தாக்கல் செய்தார். ஆனால் ராகுலை எதிர்த்து எவரும் மனுத்தாக்கல் செய்யவில்லை.
இதனால் போட்டி மனுவை திரும்ப பெற அறிவிக்கப்பட்டுள்ள கடைசி நாளான இன்று, அவர் தலைவராக தேர்வு செய்யப்பட்டுள்ளது அதிகாரப்பூர்வமாக உறுதி செய்யப்பட்டுள்ளது. இதையடுத்து, ஒருமனதாக ராகுல் காந்தி போட்டியே இல்லாமல் அகில இந்திய காங்கிரஸ் கமிட்டியின் தலைவராக தேர்ந்தெடுக்கப்பட்டுள்ளார்.
தற்போதைய தலைவர் சோனியா காந்தி, வரும் 16-ம் தேதி மூத்த தலைவர்கள் முன்னிலையில் காங்கிரஸ் தலைவர் பதவிக்கான சான்றிதழை ராகுலிடம் முறைப்படி வழங்வுள்ளார்.நேரு குடும்பத்திலிருந்து 6வது நபராக தற்போது ராகுல் காந்தி காங்கிரஸ் கட்சியின் தலைவராகியுள்ளார். காங்கிரஸ் கட்சியின் 87-வது தலைவராக ராகுல் காந்தி பதவியேற்க உள்ளார் என்பது குறிப்பிடத்தக்கது.
For English News
