October 15, 2016 
தண்டோரா குழு
மாலத்தீவுக்கு எதிராக காமன்வெல்த் அமைப்பு செயல்படுவதால் காமன்வெல்த் கூட்டமைப்பில் இருந்து மாலத்தீவு வெளியேறுகிறது என மாலத்தீவு வெளியுறவு அமைச்சர் முகமது ஆசிம் தெரிவித்துள்ளார்.
நாட்டின் உள் விவகாரங்களில் காமன்வெல்த் அமைப்பு தலையிடுகிறது. இதனை ஏற்றுக்கொள்ள முடியாது. மாலத்தீவுக்கு எதிராக காமன்வெல்த் அமைப்பு பாரபட்சமாக செயல்படுகிறது . மாலத்தீவின் சுதந்திரம், இறையாண்மையைப் பாதுகாக்க இக்கூட்டமைப்பில் இருந்து வெளியேறியுள்ளோம் என மாலத்தீவு வெளியுறவு அமைச்சர் முகமது ஆசிம் தெரிவித்துள்ளார்.
இது குறித்து காமன்வெல்த் பொதுச்செயலாளர் பேட்ரிகா ஸ்காட்லேண்ட் கூறுகையில்,
மாலத்தீவு மீது நாங்கள் நம்பிக்கை வைத்துள்ளோம் , கூட்டமைப்பில் இருந்து மாலத்தீவு பிரிந்துவிட்டதாக கருதவில்லை இது ஒரு தற்காலிக பிரிவு தான். காமன்வெல்த் கூட்டமைப்பில் விரைவில் மாலத்தீவு மீண்டும் இணையும் என நம்பிக்கை தெரிவித்தார்.
மாலத்தீவில் அதிபர் அப்துல்லா யாமின் அப்துல் கயூம் தலைமையில் நடைபெற்று வரும் ஆட்சியில் ஜனநாயகம் நசுக்கப்பட்டு வருவதாக சர்வதேச அமைப்புகள் குற்றம் சாட்டி வருகின்றன. இதன் காரணமாகவே காமன்வெல்த் கூட்டமைப்பில் இருந்து மாலத்தீவு விலகியுள்ளதாக அரசியல் விமர்சகர்கள் கருத்து தெரிவித்து வருகின்றனர்.
For English News
